Máskeý metrosyndaǵy «Slavian býlvary» stansasynda granata jaramyn dep eldi qorqytqan er adam ustaldy, dep habarlaidy TASS agenttigi.
Bul jaiynda agenttikke tótenshe jaǵdai qyzmetindegi aqparat kózi málimdedi.
«Slavian býlvary» stansasyn jaryp jiberem dep qorqytqan adam qolǵa tústi» deidi aqparat kózi.
Aita keteiik, er adam mas bolǵan jáne ózin birqalypty ustai almaǵan.
Onyń qolynda qaýip týǵyzatyndai jarylǵysh zat joq bolyp shyqty.
Ol sapar shegip kele jatqan vagon «Kiev» stansasyna jetkizilip, qazir egjei-tegjeili tekserilip jatyr.
Máskeý metrosy áleýmettik jelidegi paraqshasynda «Slavian býlvary» stansasynyń qyzmeti qaita qalpyna kelgenin, shtattyq rejimde jumys istep turǵanyn habarlady.
Eske sala keteiik, keshe keshke Máskeý metropolitenine qarasty «Slavian býlvary» stansasynda er adam qolynda granata bar ekenin jáne ony jaratynyn aityp, qorqytqan.
Politsiia qyzmetkerleri onymen kelissóz júrgizdi.
Buǵan deiin poiyzdan granataǵa uqsas zat tabylǵany habarlanǵan bolatyn. Stansaǵa kirip-shyǵatyn esikter túgel jabylǵan.
TASS aqparat kóziniń málimetinshe, keshki 19:25 shamasynda «Slavian býlvary» stansasynan iesiz zat tabylǵan.
«Politsiia talabymen jolaýshylar evakýatsiialandy, stansaǵa kirip-shyǵatyn esikter jabyldy» dep málim etti aqparat kózi.
Onyń aitýynsha, Máskeý ýaqytymen saǵat 19:00 kezinde «Kiev» stantsiiasyn betke alǵan poiyz «Slavian býlvary» stansasynda jolaýshylardy túsirgen, óitkeni onyń eń sońǵy vagonynan granataǵa uqsas zat tabylǵan.
