© RIA Novosti / Ramil Sitdikov
Resei syrtqy ister ministrligi Latviia elshisi eki apta ishinde Máskeýden ketýi tiis dep málimdedi. Bul jóninde 27 qańtarda Resei SIM-ine shaqyrylǵan Latviia isteri boiynsha ýaqytsha senimdi ýákil Datsiia Rýtka málimdedi.
Latviia syrtqy ister ministrligi Edgars Rinkevich 23 qańtarda Riga Estoniiaǵa yntymaqtastyq bildirip, Máskeýmen diplomatiialyq qatynasty tómendetedi dep málimdegen. Soǵan bailanysty Reseidiń Latviiadaǵy elshisi Mihail Vanin 24 aqpanǵa deiin Latviiadan ketýi tiis.
Resei jaǵynyń 27 qańtar kúngi málimdemesinde Máskeý Latviianyń Baltyq elderine yntymaqtastyq bildiretini jaily argýmentterin qabyldamaitynyn jáne Riganyń merzimdi belgileýin kútpei-aq elshisin qaitaratynyn jazǵan.
Latviia men Resei arasyndaǵy diplomatiialyq qatynas deńgeii ýaqytsha ýákilderge deiin tómendetiledi.
Estoniiamen de diplomatiialyq qatynas deńgeiin azaitqan Resei SIM muny 24 qańtarda habarlaǵan: Estoniia elshisi Reseiden 7 aqpanǵa deiin ketýge tiis. Dál sol merzimge deiin Resei elshisi de Estoniiadan ketýge tiis.
Aita keteiik, byltyr Resei Ýkrainaǵa basyp kirgennen keiin Resei men Litva arasyndaǵy diplomatiialyq qatynas ta nasharlap, sondai deńgeige túsken.
