Máskeý meriiasy narazylyq aktsiialary kezinde adamnyń bet-júzin tanityn baqylaý kameralaryn ornatý úshin "Sitroniks" kompaniiasymen kelisim-shartqa otyrdy. Bul aqparatty qalalyq aqparattyq tehnologiia departamenti basshysynyń orynbasary Aleksandr Gorbatkoǵa silteme jasaǵan "Vedomost" basylymy habarlady. Joba quny - 260 million rýbl.
"Sitroniks" kameralardy ornatyp tekseredi, quqyq qorǵaý organdaryna oqiǵa ornynan tikelei efirde habar alýǵa kómektesedi. Buǵan qosa, kameraǵa túsirilgen materialdardy jiberip otyrady.
Buǵan deiin mundai tájiribe tek erekshe jaǵdailarda mysaly, qala kúnin atap ótý nemese Jeńis kúnin toilaý kezinde qoldanylyp kelgen.
Mamyr aiynda Máskeý meri Sergei Sobianin qalada adamnyń bet-júzin tanityn eki júz myń kamera ornatylǵanyn habarlaǵan. Eger bul joba tolyq júzege assa, Máskeý kameralarmen muqiiat baqylanatyn Qytai qalalarynan keiingi ekinshi aýmaqqa ainalmaq.
