مەسكەۋ مەريياسى نارازىلىق اكتسييالارى كەزٸندە ادامنىڭ بەت-جٷزٸن تانيتىن باقىلاۋ كامەرالارىن ورناتۋ ٷشٸن "سيترونيكس" كومپانيياسىمەن كەلٸسٸم-شارتقا وتىردى. بۇل اقپاراتتى قالالىق اقپاراتتىق تەحنولوگييا دەپارتامەنتٸ باسشىسىنىڭ ورىنباسارى الەكساندر گورباتكوعا سٸلتەمە جاساعان "ۆەدوموست" باسىلىمى حابارلادى. جوبا قۇنى - 260 ميلليون رۋبل.
"سيترونيكس" كامەرالاردى ورناتىپ تەكسەرەدٸ, قۇقىق قورعاۋ ورگاندارىنا وقيعا ورنىنان تٸكەلەي ەفيردە حابار الۋعا كٶمەكتەسەدٸ. بۇعان قوسا, كامەراعا تٷسٸرٸلگەن ماتەريالداردى جٸبەرٸپ وتىرادى.
بۇعان دەيٸن مۇنداي تەجٸريبە تەك ەرەكشە جاعدايلاردا مىسالى, قالا كٷنٸن اتاپ ٶتۋ نەمەسە جەڭٸس كٷنٸن تويلاۋ كەزٸندە قولدانىلىپ كەلگەن.
مامىر ايىندا مەسكەۋ مەرٸ سەرگەي سوبيانين قالادا ادامنىڭ بەت-جٷزٸن تانيتىن ەكٸ جٷز مىڭ كامەرا ورناتىلعانىن حابارلاعان. ەگەر بۇل جوبا تولىق جٷزەگە اسسا, مەسكەۋ كامەرالارمەن مۇقييات باقىلاناتىن قىتاي قالالارىنان كەيٸنگٸ ەكٸنشٸ اۋماققا اينالماق.
