Shyǵys Qazaqstan oblysynyń ákimi Danial Ahmetov Semei qalasynda meditsinalyq maska shyǵarý jumysymen tanysyp qaitty, dep habarlaidy "Ult aqparat".
Bul jaily aimaq basshysy óziniń Facebook paraqshasynda jazdy.
«Semeige arnaiy baryp, birneshe márte qoldanylatyn maskalardy shyǵarý jumysyn taǵy da tekserip qaittym. Kásiporyn basshylyǵymen jáne shikizat jetkizýshilermen birge taýar túrlerin arttyrý boiynsha birqatar usynystardy talqyladyq. Tek dáke ǵana emes, basqa da sertifikattalǵan materialdardan tigýdi sheshtik. Jaqyn kúnderi Óskemen men Semei qalalarynyń qart adamdaryna maskalardyń alǵashqy partiiasyn joldaimyz. Jumys josparǵa sai júrýde. Shikizat kózi jetkilikti», - deidi ákim.
Danial Ahmetov búginde Shyǵys Qazaqstanda bir de bir koronavirýs juqtyrý faktisi tirkelmegenin aitty.
