Seisenbiden bastap Ońtústik Koreiada koronavirýs infektsiiasynyń taralýyna jol bermeý maqsatynda qoǵamdyq kólikter men oryndarda mindetti turde maska taǵý rejimi engiziledi, dep habarlaidy "Ult aqparat" Yonhap agenttigine silteme jasap.
Endi elde qoǵamdyq kólik pen sharalarda, sondai-aq meditsinalyq mekemelerde maska taqpaityn azamattarǵa 100 000 von (87 AQSh dollary) kóleminde aiyppul salynady.
Al qoǵamdyq kólik úshin jaýapty uiymdar, sondai-aq demonstratsiia uiymdastyrýshylary qoǵamdyq kólik paidalanýshylary nemese jiyn qatysýshylarynyń atalǵan talaptardy saqtaýyn qadaǵalamaǵany úshin 3 million von somasynda aiyppul tóleidi.
Bul talap tek 14 jasqa deiingi balalarǵa jáne maskany densaýlyq jaǵdaiyna bailanysty taǵa almaityn adamdarǵa qatysty emes. Adamdarǵa maskany tek erekshe jaǵdaida, mysaly, jýyný, tamaq ishý nemese shomylý kezinde ǵana sheshýge ruqsat etiledi.
Sońǵy táýlikte Ońtústik Koreiada koronavirýs juqtyrýdyń jańa oqiǵalar sany 58-ge jetken. Elde indetke 24 606 adam shaldyqqan, qaýipti virýstan qaitys bolǵandar sany - 432 adam.
