DDSU-nyń Qazaqstandaǵy ókildiginiń basshysy Kerolain Klarinval kornavirýs infektsiiasyna tosqaýyl qoiýdyń sharalaryna qatysty pikir bildirdi, dep habarlaidy QazAqparat.
«Biz bul taqyrypty únemi talqylaimyz. Barshasyna jaraityn, iaǵni barlyq elder úshin ámbebap sheshimniń bolýyn qalaimyz. Alaida, eń bastysy – barlyq sheshimder elderdegi jaǵdaiǵa sai kelýi tiis. Osy oraida jergilikti deńgeide tiisti qadamdar engiziletinine kóz jetkizýimiz kerek. Nelikten ol mańyzdy?
Ár el men ár densaýlyq saqtaý júiesinde aiyrmashylyq bar. Sondyqtan tiisti qadamdar naqty bir elge sáikes kelýi qajet. Bul ońai sharýa emes. Osy maqsattardy oryndaýǵa tyrysyp kele jatqan Qazaqstan Úkimeti men Densaýlyq saqtaý júiesine rizashylyǵymdy bildirgim keledi», - dedi ol Ortalyq kommýnikatsiialar qyzmetindegi baspasóz máslihatynda.
«Ár adam indettiń taralmaýyna óz úlesin qosýy qajet. Eń bastysy – gigiena talaptaryn saqtap, qoldy sabynmen jýǵan durys. Sonymen qatar, respiratorlyq etiketti saqtaǵan jón. Biz ara qashyqtyqty saqtaýǵa keńes berdik, kem degende eki metr. Bul sharalar indetti juqtyrý sebepterin tómendetedi. Maska taǵý tártibin oryndaýy tiis. Jalpy, biz osy sharalardy ár azamattyń oryndaýy kerektigin atap ótýdemiz», - dedi Kerolain Klarinval.
