2020 jyly karantindi buzýdyń 27 myńnan astam faktisi anyqtaldy, dep habarlaidy "Ult aqparat".
«Pandemiia, karantindik shekteýler engizý jáne sanitarlyq talaptardy qatańdatý kezeńinde eldiń densaýlyq saqtaý júiesiniń qyzmetkerleri anyqtaǵan quqyq buzýshylyqtar sany artty. Jalpy 3,6 mlrd teńge somasyna aiyppul salý týraly qaýly shyǵaryldy, onyń ishinde quqyq buzýshylar 3 mlrd teńge tóledi. Olardyń ishinde halyqtyń sanitariialyq-epidemiologiialyq salamattylyǵy salasyndaǵy talaptardy buzǵany úshin (QR ÁQBtK 425-baby) karantindik is-sharalardy buzýmen bailanysty áreketter turǵysynda 2020 jyly elde 2,2 mlrd teńge somasyna aiyppul salý týraly 27 myń qaýly shyǵaryldy. Onyń ishinde 1,4 mlrd teńge óndirilip alyndy», - delingen QR Bas prokýratýrasy Quqyqtyq statistika jáne arnaiy esepke alý jónindegi komitetiniń baspasóz qyzmeti málimetinde.
Osyndai aiyppuldardyń kópshiligi Túrkistan oblysynda (5 014), Almaty qalasynda (4775) jáne Shyǵys Qazaqstan oblysynda (1 831) salynǵan. Olardyń eń az sany: Mańǵystaý (204), Pavlodar (523) jáne Jambyl (590) oblystarynda tirkelgen.
«Maskalyq rejimdi buzǵany úshin 15 613 jeke tulǵa ákimshilik jaýapkershilikke tartyldy. Bul turǵyda Almaty qalasy (4 434), Túrkistan (4 009) jáne Shyǵys Qazaqstan (1 126) oblystary kósh bastap tur», - dep atalyp ótken habarlamada.
