Kollaj: ulysmedia.kz.
Ádilet ministri Qanat Mýsin UQK-niń eks-basshysy Kárim Másimovke qatysty qylmystyq istiń nelikten «óte qupiia» aidarymen tergelip jatqanyn túsindirýge tyrysty. Bul týraly Ulysmedia.kz habarlady.
Mýsin bul suraqqa jaýap bere almaitynyn, sebebi ol is Bas prokýratýranyń quzyrynda ekenin aitty.
«Suraǵyńyzǵa jaýap bere almaimyn, sebebi Ádilet ministrligi bul isti tekserip jatqan joq. Bul suraqty Bas prokýratýraǵa joldaý kerek», - dedi ol.
Onyń aitýynsha, memlekettik qupiialar ashylýy múmkin tergeýlerdi zań boiynsha qupiiaǵa jatqyzýǵa bolady.
«Jalpy erejelerge sáikes, memlekettik qaýipsizdikti qamtamasyz etý máselelerin, memlekettik qaýipsizdikti qamtamasyz etýdiń quraldary, ádisteri men kúshterine qatysty isterdi tergeý kezinde memlekettik qupiialarǵa bailanysty málimetter bolǵan kezde is júrgizý qupiia bolyp tabylady. Bul - zań», - dedi Mýsin.
