Ulttyq qaýipsizdik komitetiniń burynǵy tóraǵasy Kárim Másimovti qamaýda ustaý merzimi 6 mamyrǵa deiin uzartyldy. Bul týraly vedomstvonyń baspasóz qyzmeti málim etti, dep habarlaidy QazAqparat.
«Ulttyq qaýipsizdik komiteti burynǵy tóraǵasy K. Másimov pen UQK tóraǵasynyń burynǵy orynbasary Á. Sadyqulovty qamaýda ustaý merzimi 2022 jyldyń 6 mamyryna deiin, sondai-aq burynǵy orynbasary D. Erǵojindi qamaýda ustaý 8 mamyrǵa deiin uzartyldy», - delingen habarlamada.
Sonymen qatar 22 aqpanda laýazymdyq ókilettigin asyra paidalaný kúdigi boiynsha UQK tóraǵasynyń burynǵy orynbasary M.Ósipov ustalǵan bolatyn. Osy oraida ony qamaýda ustaý merzimin úsh aiǵa deiin uzartý týraly materialdar prokýratýraǵa joldanǵan.
Kúdiktiler tergeý izoliatorynda qamaýda otyr. Atap aitqanda, olardyń áreketiniń jaǵdaiyn eskere otyryp, qylmystyq is «asa qupiia» tártibi boiynsha tergelýde.
Esterińizge sala keteiik, Ulttyq qaýipsizdik komitetiniń burynǵy tóraǵasy Kárim Másimovke qatysty osy jyldyń 6 qańtarynda UQK Qazaqstan Respýblikasy Qylmystyq kodeksiniń 175-baby 1-bóligimen memleketke satqyndyq faktisi boiynsha sotqa deiingi tergeý bastaldy.
Biyl naýryz aiynda Bas prokýror Berik Asylov Ulttyq qaýipsizdik komitetiniń burynǵy tóraǵasy men onyń úsh orynbasaryna, eki bólimshe bastyǵyna qatysty birneshe is qozǵalyp, tergelip jatqanyn aitty.
