Astanada sprinterlik qashyqtyqqa (750 m/júzý – 20 km/velosiped – 5 km/júgirý) triatlonnan Aziia Kýbogynyń (Astana Asian Cup 2017) ekinshi kúni ótip jatyr. Qazaqstan Triatlon federatsiiasynyń prezidenti Kárim Másimov barlyq qatysýshyny, uiymdastyrýshylar men kórermenderdi chempionattyń ashylýymen quttyqtady, dep habarlaidy Baq.kz aqparat agenttigi.
Birinshilikke Halyqaralyq triatlon odaǵy (ITU) reitingine kiretin álemniń tek kásibi sportshylary ǵana qatysýda.
«Qazaqstan Triatlon federatsiiasy atynan barlyq qatysýshyny, uiymdastyrýshylar men kórermenderdi Qazaqstan Respýblikasy chempionatynyń ashylýymen quttyqtaimyn. Uzaq qashyqtyqqa arnalǵan triatlon álemde jáne bizdiń elimizde kún ótken saiyn tanymal bolyp kele jatyr. Keshe ǵana munda Triatlon Parkte ITU (International Triathlon Union) uiymynyń qamqorlyǵymen triatlonnan Aziia Kýbogynyń kezeńin tamashaladyńyzdar», - dedi Kárim Másimov.
Qazaqstan Triatlon federatsiiasy prezidentiniń aitýynsha, Ironman qoldaýymen jarystar ótkizý arqyly ǵana elimizde kezeńdi odan ári damytýǵa jáne sportty nasihattaýǵa bolady.
«Taiaýda ǵana Astanada Ironman seriiasynyń jarystaryn ótkizý týraly WTC-men (World Triathlon Corporation) uzaqmerzimdi kelisim jasaldy. Búgingi jarysqa qatysýshylardy shyn júrekten quttyqtaimyz! Sizderge kelesi jyldyń shildesinde Ironman 70.3 Astana saiysy ótetin tasjolmen alǵashqy bolyp júrip ótýge tamasha múmkindik berilip otyr. Barlyǵyńyzǵa sáttilik tileimin, shyn myqty jeńiske jetsin!», - dep túiindedi ol.
