استانادا سپرينتەرلٸك قاشىقتىققا (750 م/جٷزۋ – 20 كم/ۆەلوسيپەد – 5 كم/جٷگٸرۋ) ترياتلوننان ازييا كۋبوگىنىڭ (Astana Asian Cup 2017) ەكٸنشٸ كٷنٸ ٶتٸپ جاتىر. قازاقستان ترياتلون فەدەراتسيياسىنىڭ پرەزيدەنتٸ كەرٸم مەسٸموۆ بارلىق قاتىسۋشىنى, ۇيىمداستىرۋشىلار مەن كٶرەرمەندەردٸ چەمپيوناتتىڭ اشىلۋىمەن قۇتتىقتادى, دەپ حابارلايدى Baq.kz اقپارات اگەنتتٸگٸ.
بٸرٸنشٸلٸككە حالىقارالىق ترياتلون وداعى (ITU) رەيتينگٸنە كٸرەتٸن ەلەمنٸڭ تەك كەسٸبي سپورتشىلارى عانا قاتىسۋدا.
«قازاقستان ترياتلون فەدەراتسيياسى اتىنان بارلىق قاتىسۋشىنى, ۇيىمداستىرۋشىلار مەن كٶرەرمەندەردٸ قازاقستان رەسپۋبليكاسى چەمپيوناتىنىڭ اشىلۋىمەن قۇتتىقتايمىن. ۇزاق قاشىقتىققا ارنالعان ترياتلون ەلەمدە جەنە بٸزدٸڭ ەلٸمٸزدە كٷن ٶتكەن سايىن تانىمال بولىپ كەلە جاتىر. كەشە عانا مۇندا ترياتلون پاركتە ITU (International Triathlon Union) ۇيىمىنىڭ قامقورلىعىمەن ترياتلوننان ازييا كۋبوگىنىڭ كەزەڭٸن تاماشالادىڭىزدار», - دەدٸ كەرٸم مەسٸموۆ.
قازاقستان ترياتلون فەدەراتسيياسى پرەزيدەنتٸنٸڭ ايتۋىنشا, Ironman قولداۋىمەن جارىستار ٶتكٸزۋ ارقىلى عانا ەلٸمٸزدە كەزەڭدٸ ودان ەرٸ دامىتۋعا جەنە سپورتتى ناسيحاتتاۋعا بولادى.
«تاياۋدا عانا استانادا Ironman سەريياسىنىڭ جارىستارىن ٶتكٸزۋ تۋرالى WTC-مەن (World Triathlon Corporation) ۇزاقمەرزٸمدٸ كەلٸسٸم جاسالدى. بٷگٸنگٸ جارىسقا قاتىسۋشىلاردى شىن جٷرەكتەن قۇتتىقتايمىز! سٸزدەرگە كەلەسٸ جىلدىڭ شٸلدەسٸندە Ironman 70.3 Astana سايىسى ٶتەتٸن تاسجولمەن العاشقى بولىپ جٷرٸپ ٶتۋگە تاماشا مٷمكٸندٸك بەرٸلٸپ وتىر. بارلىعىڭىزعا سەتتٸلٸك تٸلەيمٸن, شىن مىقتى جەڭٸسكە جەتسٸن!», - دەپ تٷيٸندەدٸ ول.
