Osy jyldyń úshinshi toqsanynda mashina jasaý salasynda elektr jabdyǵyn óndiretin jumysshylar sany bir jylda 2,1%-ǵa, iaǵni 7,1 myń adamǵa qysqarǵan. Avtomobil, tirkeme jáne jartylai tirkeme óndiretin jumysshylar sany kerisinshe bir jylda 5,6%-ǵa, 3,9 myń adamǵa deiin artqan. Kompiýter, elektrondyq jáne optikalyq jabdyq óndirisimen 530 adam ainalysady – bul bir jyl burynǵy kórsetkishten 6%-ǵa kóp, dep habarlaidy QazAqparat energyprom.kz saityna silteme jasap.
Mashina jasaý salasyndaǵy eń kóp ataýly jalaqyny kólik quraldaryn óndiretin jumysshylar alady: 293,9 myń teńge – bir jyl burynǵy kórsetkishten 24,5%-ǵa kóp. Kompiýter, elektrondyq jáne optikalyq jabdyqtar óndirisindegi jumysshylar 274,4 myń teńge, elektr jabdyqtary — 229,1 myń teńge, avtomobilder, tirkemeler jáne jartylai tirkemeler — 249,7 myń teńge alady.
Sarapshylar qurastyrǵan QR jańa kásipter atlasyna sáikes, 2020 jyly mashina jasaý salasynda 3D-baspa materialtanýshy siiaqty jańa mamandyq paida bolýy tiis edi. Alaida, HeadHunter.kz siiaqty portaldarda ondai mamandyq kezdesken joq.
2025 jylǵa qarai sektorda teoriialyq turǵydan BIG DATA (ónerkásiptik) taldaýshylary, kiberqaýipsizdik mamandary (ónerkásiptik), keri jobalaý injener-konstrýktorlary (revers-injenerler), boljamdy diagnostika mamandary paida bolýy tiis.
2030 jylǵa qarai ónerkásiptik robototehnika injener-konstrýktorlary men virtýaldy prototipteý mamandary paida bolady dep kútilýde. 2030-2035 jyldary radiofotonikalyq qurylǵylardy jobalaýshy injenerler men nanofotonika jáne metamaterial mamandary ashylady dep boljanýda.
Sarapshylardyń pikirinshe, taǵy 13 mamandyq ózgerýi tiis.
2025 jyly slesarlar men jóndeýshilerdiń ornyna modýldik jóndeý operatorlary, sapany baqylaý tehnikteriniń ornyna — 2.0 sapany baqylaý tehnikasy, dánekerleýshilerdiń ornyna — dánekerleý jabdyqtarynyń operatorlary almastyrýy tiis.
Sonymen qatar, 2025 jyly atlas sarapshylarynyń boljamy boiynsha, shot júrgizýshi jáne esepshi kómekshisi siiaqty mamandyq joǵalady. Mashina jasaýda býhgalterler kómekshilersiz jumys isteýge májbúr bolady.
