وسى جىلدىڭ ٷشٸنشٸ توقسانىندا ماشينا جاساۋ سالاسىندا ەلەكتر جابدىعىن ٶندٸرەتٸن جۇمىسشىلار سانى بٸر جىلدا 2,1%-عا, ياعني 7,1 مىڭ ادامعا قىسقارعان. اۆتوموبيل, تٸركەمە جەنە جارتىلاي تٸركەمە ٶندٸرەتٸن جۇمىسشىلار سانى كەرٸسٸنشە بٸر جىلدا 5,6%-عا, 3,9 مىڭ ادامعا دەيٸن ارتقان. كومپيۋتەر, ەلەكتروندىق جەنە وپتيكالىق جابدىق ٶندٸرٸسٸمەن 530 ادام اينالىسادى – بۇل بٸر جىل بۇرىنعى كٶرسەتكٸشتەن 6%-عا كٶپ, دەپ حابارلايدى قازاقپارات energyprom.kz سايتىنا سٸلتەمە جاساپ.
ماشينا جاساۋ سالاسىنداعى ەڭ كٶپ اتاۋلى جالاقىنى كٶلٸك قۇرالدارىن ٶندٸرەتٸن جۇمىسشىلار الادى: 293,9 مىڭ تەڭگە – بٸر جىل بۇرىنعى كٶرسەتكٸشتەن 24,5%-عا كٶپ. كومپيۋتەر, ەلەكتروندىق جەنە وپتيكالىق جابدىقتار ٶندٸرٸسٸندەگٸ جۇمىسشىلار 274,4 مىڭ تەڭگە, ەلەكتر جابدىقتارى — 229,1 مىڭ تەڭگە, اۆتوموبيلدەر, تٸركەمەلەر جەنە جارتىلاي تٸركەمەلەر — 249,7 مىڭ تەڭگە الادى.
ساراپشىلار قۇراستىرعان قر جاڭا كەسٸپتەر اتلاسىنا سەيكەس, 2020 جىلى ماشينا جاساۋ سالاسىندا 3D-باسپا ماتەريالتانۋشى سيياقتى جاڭا ماماندىق پايدا بولۋى تيٸس ەدٸ. الايدا, HeadHunter.kz سيياقتى پورتالداردا ونداي ماماندىق كەزدەسكەن جوق.
2025 جىلعا قاراي سەكتوردا تەورييالىق تۇرعىدان BIG DATA (ٶنەركەسٸپتٸك) تالداۋشىلارى, كيبەرقاۋٸپسٸزدٸك ماماندارى (ٶنەركەسٸپتٸك), كەرٸ جوبالاۋ ينجەنەر-كونسترۋكتورلارى (رەۆەرس-ينجەنەرلەر), بولجامدى دياگنوستيكا ماماندارى پايدا بولۋى تيٸس.
2030 جىلعا قاراي ٶنەركەسٸپتٸك روبوتوتەحنيكا ينجەنەر-كونسترۋكتورلارى مەن ۆيرتۋالدى پروتوتيپتەۋ ماماندارى پايدا بولادى دەپ كٷتٸلۋدە. 2030-2035 جىلدارى راديوفوتونيكالىق قۇرىلعىلاردى جوبالاۋشى ينجەنەرلەر مەن نانوفوتونيكا جەنە مەتاماتەريال ماماندارى اشىلادى دەپ بولجانۋدا.
ساراپشىلاردىڭ پٸكٸرٸنشە, تاعى 13 ماماندىق ٶزگەرۋٸ تيٸس.
2025 جىلى سلەسارلار مەن جٶندەۋشٸلەردٸڭ ورنىنا مودۋلدٸك جٶندەۋ وپەراتورلارى, ساپانى باقىلاۋ تەحنيكتەرٸنٸڭ ورنىنا — 2.0 ساپانى باقىلاۋ تەحنيكاسى, دەنەكەرلەۋشٸلەردٸڭ ورنىنا — دەنەكەرلەۋ جابدىقتارىنىڭ وپەراتورلارى الماستىرۋى تيٸس.
سونىمەن قاتار, 2025 جىلى اتلاس ساراپشىلارىنىڭ بولجامى بويىنشا, شوت جٷرگٸزۋشٸ جەنە ەسەپشٸ كٶمەكشٸسٸ سيياقتى ماماندىق جوعالادى. ماشينا جاساۋدا بۋحگالتەرلەر كٶمەكشٸلەرسٸز جۇمىس ٸستەۋگە مەجبٷر بولادى.
