Biyl mashina jasaý salasy 12 paiyzǵa ósedi. Bul týraly búgin halyqqa esep berý kezdesýinde QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Mashina jasaý salasy boiynsha 12 paiyzǵa ósedi dep kútilýde. Kólik quraldary óndirisiniń kólemin 34, akkýmýliatorlardy 11, temir jol vagondaryn 127, aýyl sharýashylyǵy tehnikasyn 58 paiyzǵa ulǵaitý josparlanǵan. Negizgi ósim avtomobil jasaý sektory esebinen qamtamasyz etiletin bolady. Onyń úlesi mashina jasaý salasynda 35 paiyzdy quraidy», - dedi ministr,
Onyń atap ótýinshe, biyl otandyq óndirýshilerden satyp alynǵan avtomobilderdi lizingtik qarjylandyrý baǵdarlamasy jalǵastyrylady. Ol úshin 35 mlrd teńge bólingen.
«Sondai-aq liftiler, elektr jáne munai-gaz jabdyqtary, avtobýstar syndy mashina jasaý taýarlaryn ulttyq rejimnen alyp qoiý belgilenedi», - dedi Beibit Atamqulov.
