بيىل ماشينا جاساۋ سالاسى 12 پايىزعا ٶسەدٸ. بۇل تۋرالى بٷگٸن حالىققا ەسەپ بەرۋ كەزدەسۋٸندە قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«ماشينا جاساۋ سالاسى بويىنشا 12 پايىزعا ٶسەدٸ دەپ كٷتٸلۋدە. كٶلٸك قۇرالدارى ٶندٸرٸسٸنٸڭ كٶلەمٸن 34, اككۋمۋلياتورلاردى 11, تەمٸر جول ۆاگوندارىن 127, اۋىل شارۋاشىلىعى تەحنيكاسىن 58 پايىزعا ۇلعايتۋ جوسپارلانعان. نەگٸزگٸ ٶسٸم اۆتوموبيل جاساۋ سەكتورى ەسەبٸنەن قامتاماسىز ەتٸلەتٸن بولادى. ونىڭ ٷلەسٸ ماشينا جاساۋ سالاسىندا 35 پايىزدى قۇرايدى», - دەدٸ مينيستر,
ونىڭ اتاپ ٶتۋٸنشە, بيىل وتاندىق ٶندٸرۋشٸلەردەن ساتىپ الىنعان اۆتوموبيلدەردٸ ليزينگتٸك قارجىلاندىرۋ باعدارلاماسى جالعاستىرىلادى. ول ٷشٸن 35 ملرد تەڭگە بٶلٸنگەن.
«سونداي-اق ليفتٸلەر, ەلەكتر جەنە مۇناي-گاز جابدىقتارى, اۆتوبۋستار سىندى ماشينا جاساۋ تاۋارلارىن ۇلتتىق رەجيمنەن الىپ قويۋ بەلگٸلەنەدٸ», - دەدٸ بەيبٸت اتامقۇلوۆ.
