Bul týraly «Nur Otan» partiiasy Tóraǵasynyń Birinshi orynbasary Aqtóbe oblysyna sapary kezinde aitty.
Búgin atalǵan óńirge kelgen Máýlen Áshimbaev partiianyń oblystyq filialynyń qoǵamdyq qabyldaý bólmesine arnaiy baryp, onyń jumysymen tanysty.
Aita keteiik, Elbasynyń partiianyń kezekti XVIII sezinde anyqtap bergen «Halyqqa kómek» jobasy aiasynda «Nur Otan» partiiasynyń Qoǵamdyq qabyldaý bólmeleri Biryńǵai áleýmettik tereze júiesi boiynsha qyzmet kórsete bastaǵan bolatyn. Sonyń nátijesinde qabyldaý bólmeleri «jedel ári bir jerde» qaǵidasy boiynsha jumys istep, qoǵamdaǵy ózekti áleýmettik máselelerdi oń sheshýge yqpal etip keledi.
Jańa jobanyń mańyzyna toqtalǵan «Nur Otan» partiiasy Tóraǵasynyń birinshi orynbasary onyń aldaǵy ýaqytta partiia jumysynyń negizgi baǵyttarynyń biri bolatynyn aitty.
– «Halyqqa kómek» jobasy Elbasynyń tikelei tapsyrmasymen qolǵa alynyp otyr. Onyń basty maqsaty – memleket tarapynan kórsetiletin barlyq áleýmettik kómekti Biryńǵai áleýmettik tereze arqyly bir jerden ári jedel túrde halyqqa jetkizý. Sondyqtan partiia Elbasynyń áleýmettik salaǵa qatysty tapsyrmalaryn oryndaýǵa memlekettik organdardy, úkimettik emes uiymdardy jáne biznes qaýymdastyqty da jumyldyryp, olardyń qyzmetterin úilestirýshi róldi atqarady, – dedi Máýlen Áshimbaev.
Sonymen qatar sapar barysynda elordadan kelgen meiman oblys ákimi Ońdasyn Orazalinmen birge az qamtylǵan otbasylarǵa páter kiltin tapsyrý rásimine qatysty. Mundai kóńil jadyratar igi is «Baqytty otbasy» jobasy aiasynda júzege asyrylyp otyr. Atalǵan joba da partiia Tóraǵasynyń kezekti XVIII sezde bergen tapsyrmasyna sáikes qolǵa alyndy.
Baspanaly bolǵan jandardy qýanyshty sátpen quttyqtaǵan «Nur Otan» partiiasy Tóraǵasynyń Birinshi orynbasary bul igi istiń Elbasy saiasatynyń jemisi ekenin jetkizdi.
– Halyqtyń ál-aýqatyn odan ári arttyrý Elbasy saiasatynyń negizgi basymdyǵy bolyp tabylady. Bul iste baspanamen qamtýdyń da mańyzy zor. Osy turǵydan kelgende, Tuńǵysh Prezidentimizdiń tikelei tapsyrmasymen aitarlyqtai jumystar atqarylyp, úlken nátijelerge qol jetkizip jatyrmyz, – dedi Máýlen Áshimbaev.
Odan bólek, Máýlen Áshimbaev «Nur Otan» partiiasy Aqtóbe oblystyq filialynyń konferentsiiasyna qatysty. Jiyn barysynda Elbasy, partiia Tóraǵasynyń tapsyrmasymen «Nur Otan» partiiasy Aqtóbe oblystyq filialynyń tóraǵasy bolyp óńir basshysy Ońdasyn Orazalin sailandy.
Sondai-aq konferentsiiada partiia sezinde Elbasy bergen tapsyrmalardy Aqtóbe oblysynda jemisti júzege asyrý barysy pysyqtaldy. Osy baǵytta óńirdiń aldynda turǵan basymdyqtarǵa nazar aýdarǵan Máýlen Áshimbaev atalǵan jumystardyń utymdy tustaryna toqtalyp ótti.
Sondai-aq ol Elbasy Nursultan Ábishuly Nazarbaevtyń prezidenttik ókilettigin óz erkimen toqtatý týraly sheshimine nazar aýdaryp, Tuńǵysh Prezidentimizdiń qashanda el men halyqtyń múddesin birinshi kezekke qoiyp, árdaiym durys sheshimder qabyldaitynyn aitty.
– Qazaqstan halqy úshin Elbasynyń esimi qashanda memlekettilik, egemendik jáne Táýelsizdik siiaqty asa mańyzdy qundylyqtarmen bir qatarda turady. Elimizdiń barlyq jeńisteri men jetistikteri Tuńǵysh Prezidentimizdiń esimimen tyǵyz bailanysty. Sondyqtan Nursultan Ábishuly Nazarbaev Elbasy, Qazaqstan tarihynda táýelsiz memlekettiń negizin qalaǵan, qazaqtyń memlekettiligin qaita jandandyrǵan uly tulǵa, barlyq reformalardyń avtory, álemdik deńgeidegi iri saiasatker retinde máńgi qalady, – dedi Máýlen Áshimbaev.
.jpeg)