Foto: RBK
Astana – Atyraý baǵytyndaǵy reisten 31 jastaǵy Atyraý qalasynyń turǵyny túsirildi. Tekserý kezinde mas kúidegi jolaýshy ushaqqa miný barysynda áýe kompaniiasy qyzmetkerleriniń talaptaryn oryndamaǵany jáne agressivti áreket kórsetkeni anyqtaldy, dep habarlaidy Ult.kz.
«Tártip saqshylary kelgen kezde azamatsha politsiia bólmesine barýdan bas tartyp, tipti beiádep sózder aityp, qoǵamdyq tártipti buzýdy jalǵastyrǵan», - delingen Kóliktegi politsiia departamentiniń aqparatynda.
Politseiler azamatshaǵa qatysty Ákimshilik quqyq buzýshylyq týraly kodeksiniń 4 birdei babymen, atap aitqanda bilik ókilderiniń zańdy talaptaryna baǵynbaý, usaq buzaqylyq jasaý, bortserikterdiń talaptaryn oryndamaý, sondai-aq qoǵamdyq orynǵa mas kúide kelý boiynsha ákimshilik hattama toltyrdy. Is boiynsha materialdar sotqa joldandy.
