Almatyda mas kúzetshiniń oqýshy qyzǵa tiisý faktisinen keiin mektep direktory qyzmetinen bosatyldy. Bul týraly Oqý-aǵartý ministri Ǵani Beisembaev málimdedi, dep habarlaidy Sputnik Qazaqstan.
"Tiisti sharalar qolǵa alyndy. Atalǵan bilim berý uiymynyń basshysy qyzmetinen qýyldy. Bilim basqarmasy tarapynan tiisti shara qabyldandy, tergeý júrip jatyr", - dedi Beisembaev ortalyq kommýnikatsiialar qyzmetinde ótken baspasóz máslihatynda.
Onyń aitýynsha, ministrlik osyndai faktiler týraly estise, balalardyń quqyǵyn qorǵaý komiteti shuǵyl oqiǵa ornyna baryp, basqa memlekettik organdarmen tergeýge qatysady jáne sol máseleni turaqty baqylaýda ustaidy.
Buǵan deiin BAQ-ta Almatydaǵy 160 mektepte kúzetshi 6-synyp oqýshysyna tiiskeni habarlanǵan bolatyn. Er adam oqiǵa kezinde mas bolǵan. Ol qyzdy qushaqtap, betinen súie bastaǵan. Abyroi bolǵanda, bala qutylyp, qashyp úlgergen.
Kúzetshiniń ústinen qylmystyq is qozǵaldy. Kúdikti 15 kúnge qamaýǵa alynǵan.
