Foto: ru.sputnik.kg
Júrgizýshi kýáliginen aiyrylǵan azamat alkogoldik mas kúiinde avtokólik júrgizip, politsiiadan boi tasalaýǵa tyrysty, dep habarlaidy Ult.kz.
Politsiia qyzmetkerleri avtokólikti toqtatý talabyn qoiǵan kezde, júrgizýshi zań talabyna baǵynbai, oqiǵa ornynan qashýǵa áreket jasaǵan. Qashý barysynda ol birneshe ret jol erejesin óreskel buzyp, ainaladaǵylardyń ómiri men densaýlyǵyna qater tóndirgen.
Qylmystyq áreket patrýldik politsiia kóligimen soqtyǵysýmen aiaqtaldy. Er adam ustalyp, ýaqytsha ustaý izoliatoryna qamaldy.
Sot úkimimen ol kináli dep tanylyp, 4 jyl merzimge bas bostandyǵynan jáne ómir boiyna kólik júrgizý quqyǵynan aiyryldy. Sonymen qatar, keltirilgen materialdyq shyǵyn tolyqtai óteldi.
"Kólik basqarý quqyǵynan aiyrylǵan adamnyń mas kúide (alkogol, esirtki nemese ýytty zattardyń áserimen) kólik basqarýy, ne mundai adamǵa kólik quralyn basqarýǵa múmkindik berý – zań boiynsha ómir boiyna júrgizý quqyǵynan aiyrýmen qatar, 10 jylǵa deiin bas bostandyǵynan aiyrý jazasyna ákep soǵýy múmkin", - dep eskertti prokýratýra.
