foto: Freepik
Shyǵys Qazaqstan oblysynda aýyl ákimi mas kúide jol apatyna ushyrady, - dep habarlaidy Tengrinews.kz saity YK-news.kz saityna silteme jasap.
Oqiǵa 1 qazanda bolǵan. Altai aýdanyna qarasty aýyldyq okrýgterdiń biriniń ákimi qyzmettik Chevrolet Niva kóligi tizgininde otyryp, aýlada turǵan VAZ 21099 kóligine soǵylǵan. Jol-kólik oqiǵasy Altai qalasynda bolǵan.
Sot materialdaryna sáikes, quqyqbuzýshy óz áreketin moiyndap, jol-kólik oqiǵasy kezinde mas bolǵanyn aityp aiǵaq bergen. Meditsinalyq tekserý júrgizýshiniń jeńil dárejede mas bolǵanyn kórsetken.
Jaza retinde sot quqyq buzýshyny 20 táýlikke ákimshilik qamaqqa alý jáne jeti jylǵa kólik júrgizý quqyǵynan aiyrý týraly úkim shyǵardy.
Sheshimge apelliatsiialyq sotqa shaǵymdanýǵa bolady.
