Foto: ashyq derekkózden
Búgin Parlament májilisinde mass-media týraly zań jobasy talqylanyp, onda depýtat Samat Musabaev mass-media terminine shúilikti. Bul týraly «Ult Aqparat» habarlaidy.
Zań jobasyn Mádeniet jáne aqparat ministri Aida Balaeva tanystyryp, baiandama jasady.
«Zań jobasy buqaralyq aqparat quraly» uǵymyn «mass-media» dep ózgertý, sondai-aq 451- jáne 452-baptardy bir bapqa biriktirýdi kózdeidi. Zań jobasyn qabyldaý biýdjetten qarajat shyǵyndaryn talap etpeidi jáne teris áleýmettik-ekonomikalyq jáne quqyqtyq saldarǵa ákelip soqpaidy», - dedi Aida Ǵalymqyzy.
Sondai-aq, ministr depýtattardyń suraǵyna jaýap berý kezinde terminniń ózgerýi ákimshilik quqyqbuzýshylyqtardyń sýbektileri jáne qylmys quramdaryna eshqandai yqpalyn tigizbeitinin aitty.
Alaida depýtat Samat Musabaev terminniń maǵynasyn túsinbeitinin aityp, ministrden «mass» degen sózdiń maǵynasyn surady.
«Mass-media» degen sózdiń maǵynasy qandai? «Mass» degen sózdiń... Mas adam degendi biletin edik, mass-media degendi birinshi ret estip otyrmyn», - dedi Samat Musabaev.
Aida Balaeva óz kezeginde bul suraqty buǵan deiin depýtat Abzal Quspan da qoiǵanyn, atalmysh termindi shetel tiline sáikestendirip qoiǵandaryn aitty.
