«Jas Otan» jastar qanatynyń belsendileri karantin kezinde muqtaj otbasylarǵa áleýmettik mańyzy bar azyq-túlik taratýdy jalǵastyrady, dep habarlaidy QazAqparat.
«Biyl 19 naýryzda Elbasy Nursultan Nazarbaev «Biz birgemiz» aktsiiasyn jariialaǵan edi. Osylaisha, arnaiy qor qurylyp, ómirlik qiyn jaǵdaiǵa tap bolǵan, az qamtylǵan, kópbalaly otbasylarǵa, qart adamdarǵa kómek kórsetilip keledi. Respýblika boiynsha 155 myń otbasyna jáne astanalyq 20 myń dárigerge 50 myń teńgeden berildi. Elordada 5 myńǵa jýyq otbasy áleýmettik mańyzy bar azyq-túlik paketin aldy», - dep atap ótti «Zhas Otan» jastar qanatynyń baspasóz hatshysy Ersaiyn Ámrin.
Onyń aitýynsha, azyq-túlik paketin taratýdyń ekinshi kezeńi qolǵa alyndy. Osylaisha, taǵy 6 myń otbasy qajetti azyq-túlikpen qamtamasyz etilmek.
«Árbir pakette un, qant, makaron, kúrish, mai, tuz, shái syndy 14 ataýly eń qajetti azyq-túlik bar. Oǵan distribiýtor bolyp «Magným» saýda jelisi bekitildi. Sondai-aq, qor qarajatyna Nur-Sultan, Almaty, Shymkent qalalaryna 5 mln meditsinalyq maska alǵan edi. Azyq-túlik paketterine de 50 dana maskadan salynǵan», - deidi spiker.
Azyq-túlikti ólshep, qaptap, kólikke tiep, jetkizý jumystaryn 300-ge jýyq jasotandyq erikti tegin atqaryp keledi.
«Kún saiyn qala ákimdigi bergen tizim boiynsha azyq-túlik paketin ár úidiń aldyna deiin jetkizemiz jáne úi iesimen ara qashyqtyqty saqtaimyz. Bul kómekti de adamdar ártúrli qabyldaidy. Kópshiligi qýanyshpen alǵystaryn jetkizedi jáne keshiktińder dep synǵa alatyndar da barshylyq. Óitkeni, bizge eriktiler sany jetispeidi. Jalpy azyq-túlik paketi kópbalaly, asyraýshysynan aiyrylǵan, múgedek bala tárbielep otyrǵan nemese jumyssyz otbasylarǵa beriledi», - dep túsindirdi E. Ámrin.
Sonymen birge, azyq-túlik paketin ázirleýge birqatar óner juldyzdary kómektesti. Olardyń qatarynda Jeńis Seidollauly, Marjan Arapbaeva jáne Ádil Ahmetov bar.
«Qaiyrymdylyq - júrektiń jylýyn syilai bilý dep aitady. Sondyqtan, bul - eń uly qasiettiń biri. Osyndai syn-saǵatta qaiyrymdylyq jasap, birligimizdi kórsetkenimiz durys dep oilaimyz. Yntymaq, sabyrlyq, shydamdylyq - bizdiń qanymyzda bar qasietti dúnie. Muqtaj adamdarǵa qaiyrymdylyq kórsetip, azyq-túlik jetkizýdi sizder men bizdiń qosylyp jasap jatqanymyzǵa qýanyshtymyz. Myqty bolaiyq, bir-birimizge jaqyn bolaiyq. Qazaqsha aitqanda, indettiń kóbi ketip, azy qaldy. Eń bastysy, tártipti saqtap, múmkindiginshe úiden shyqpai, sál shydasaq, indetti jeńetinimizge senemin. Jeke ózim «Nur Otan» partiiasynyń múshesi retinde, sosyn «Zhas Otan» jastary jasap jatyr degen soń, jastarǵa úlgi kórsetý úshin usynysty qýana qabyldadym», - dedi kompozitor, «Qazaqkontsert» memlekettik kontserttiń uiymynyń basshysy Jeńis Seidollauly.
Uiymdastyrýshylardyń aitýynsha, atalǵan aktsiia mamyr aiynyń ortasyna deiin jalǵasady.
