«NASA Marstyń kóp mólsherde gaz bóletinin anyqtady. Bul jańalyq Marsta ómir súretin mikrobtar barynyń belgisi bolýy múmkin. «Kiýriositi» (Marstaǵy zertteý apparaty) endi qosymsha zertteý júrgizip kórmek», - dep habarlaidy The New York Times basylymy.
«Jaqynda NASA-nyń «Kiýriositi» Mars apparaty kóp mólsherdegi metan gazynyń bólinisin anyqtady. Jer sharynda metan gazy tiri aǵzalardan bólinetindikten, ǵalymdar bul jańalyqty ilip alyp, keńinen talqylap ketti», - dep jazady avtor. Onyń aitýynsha, demalys kúnderi ǵalymdar qosymsha zertteý jasaýdy josparlap otyr. Mars apparaty endi qosymsha málimetter jinastyrýda.
«Adamdardy Marsta ómir bary uzaq ýaqyt shabyttandyryp keledi. 1970 jyly «Viking» apparaty planetada shól dala landshaftynyń sýretin túsirgen bolatyn. Jiyrma jyldan astam ýaqyt ótken soń planetologtar tórt mln jyl buryn Marstyń jyly jáne ylǵaldy bolǵanyn anyqtady. Endi ǵalymdar buryn Marsta tirshilik bar bolǵan bolsa, onda sodan qalǵan mikroaǵzalar sol jerde saqtalyp qalýy múmkin dep boljap otyr», - delingen maqalada.
Basylymnyń jazýynsha, metannyń bólinýi ǵalymdarǵa úlken kórsetkish bolyp otyr. Ǵalymdar anyqtaǵan metan aǵzalardan jaqynda bólingen bolýy kerektigin aitty.
«NASA agenttigi Marstan metannyń tabylǵanyn rastady jáne ony «aldyn ala málimetter» dep atady. NASA ókili ǵylymi dáldik bolýy úshin joba ǵalymdary málimetterdi saraptaýdy jalǵastyratynyn aitty. Buǵn deiin on bes jyl buryn Marsta metannyń tabylǵany aitylǵan edi. Degenmen, Eýropa ǵarysh agenttiginiń «MArs-Ekspress» apparaty alǵan málimetter qatelik degen boljam jasalǵan bolatyn. 2012 jyly da Curiosity apparaty Marstan metan taba almady. Al 2013 jyly Marsta metan kóleminiń arta bastaǵany anyqtaldy», - dep jazady avtor.
