Jambyl oblysynyń ákimi Berdibek Saparbaev marqum dárigerlerdiń otbasylaryna arnaiy bardy, dep habarlaidy "Ult aqparat".
Qazaqstan Respýblikasynyń Prezidenti Qasym-Jomart Toqaev koronavirýs infektsiiacymen kúreske qosqan úlesi úshin jambyldyq marqum bolǵan dárigerlerdi Qazaqstan Respýblikasynyń memlekettik nagradalarmen nagradtaý týraly jarlyqqa qol qoiǵan bolatyn.
Aitalyq, qyzmettik boryshyn úlgili atqarǵany, azamattardyń densaýlyǵyn saqtaý jolyndaǵy janqiiarlyq eńbegi úshin I-dárejeli «Barys» ordenimen marqum, Jambyl oblystyq ftiziopýlmonologiia ortalyǵy bas dárigeriniń orynbasary Dáýlet Arymbaev, «Barys» ekinshi dárejeli ordenderimen marqum, «Almaz Medikal Grýpp» JShS-niń bólim basshysy Gúlmira Qyrǵyzalieva men Shý aýdandyq ortalyq aýrýhanasynyń bas dárigeri Aidar Muqataev marapattaldy.
Jambyl oblysynyń ákimi Berdibek Saparbaev memlekettik nagradalardy D.Arymbaev pen G.Qyrǵyzalievanyń otbasylaryna arnaiy baryp tapsyrdy.
«Koronavirýs eń bilikti dárigerlerdiń ólimine sebep bolýda. Bul qazanyń orny tolmaidy. Olardyń esimderi men erlikteri eshqashan umytylmaidy. Olar tereń bilimdi, shydamdylyq pen janqiiarlyqty talap etetin mamandyqty tańdady. Sońǵy demine deiin olar mamandyqtaryna adaldyq tanytty. Memleket basshysy azamattardyń densaýlyǵyn qorǵaýdaǵy olardyń kúsh-jigerlerin únemi eskerip, alǵys aityp keledi. Memlekettik marapattar – shynaiy alǵys pen rizashylyqtyń belgisi», - dedi Berdibek Saparbaev.
Áriptesteri marqumdardyń mamandyǵyna adaldyǵy men biliktiligin alǵa tartyp, zor qurmetpen eske alady. Olardyń barlyǵy da óz jumystarynda jetistikke jetý úshin tabandylyq tanytyp, aianbai ter tókti.
Dáýlet Arymbaev shamamen 30 jyldai ǵumyryn osy salaǵa arnaǵan. 1965 jyly Jambyl oblysynda dúniege kelgen ol osy jyldar ishinde Talas aýdandyq aýrýhanasynda bólim meńgerýshisi, Jambyl oblystyq týberkýlezge qarsy dispanserinde týberkýlezge qarsy maman, sot-meditsinalyq sarapshy bolyp jumys istegen. 2010 jyldan beri Jambyl oblystyq ftiziopýlmonologiia ortalyǵy bas dárigeriniń orynbasary bolyp qyzmet atqarǵan.
Al, Gúlmira Qyrǵyzalieva eńbek jolyn ýchaskelik dárigerlikten bastaǵan. «Himprom» DPO klinikasynda, Taraz qalasynyń № 2.8 emhanalarynda terapevt bolyp jumys istedi. 2018 jyldan bastap «Almaz Medical Group» JShS bólimin basqarǵan.
Sol siiaqty, Aidar Muqataevtyń esimi shýlyqtarǵa jaqsy tanys. 2003 jyldan bastap aýdandyq aýrýhananyń bas dárigeri bolyp eńbek etken ol oǵan deiin Taraz qalalyq aýrýhanasynda hirýrg, bólim meńgerýshisi bolyp jumys istegen. «Qazaqstan Respýblikasynyń densaýlyq saqtaý isiniń úzdigi» tósbelgisimen, «Eren eńbegi úshin», «Oblysqa sińirgen eńbegi úshin», «10 jyl Astana», «Táýelsizdikke 20 jyl» medaldarymen marapattalǵan.
Shý aýdanynyń ákimi Nurjan Kalenderov marqum dárigerdiń otbasyna memlekettik nagradany arnaiy baryp tabys etti.
