جامبىل وبلىسىنىڭ ەكٸمٸ بەردٸبەك ساپارباەۆ مارقۇم دەرٸگەرلەردٸڭ وتباسىلارىنا ارنايى باردى, دەپ حابارلايدى "ۇلت اقپارات".
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ كوروناۆيرۋس ينفەكتسيياcىمەن كٷرەسكە قوسقان ٷلەسٸ ٷشٸن جامبىلدىق مارقۇم بولعان دەرٸگەرلەردٸ قازاقستان رەسپۋبليكاسىنىڭ مەملەكەتتٸك ناگرادالارمەن ناگرادتاۋ تۋرالى جارلىققا قول قويعان بولاتىن.
ايتالىق, قىزمەتتٸك بورىشىن ٷلگٸلٸ اتقارعانى, ازاماتتاردىڭ دەنساۋلىعىن ساقتاۋ جولىنداعى جانقييارلىق ەڭبەگٸ ٷشٸن I-دەرەجەلٸ «بارىس» وردەنٸمەن مارقۇم, جامبىل وبلىستىق فتيزيوپۋلمونولوگييا ورتالىعى باس دەرٸگەرٸنٸڭ ورىنباسارى دەۋلەت ارىمباەۆ, «بارىس» ەكٸنشٸ دەرەجەلٸ وردەندەرٸمەن مارقۇم, «الماز مەديكال گرۋپپ» جشس-نٸڭ بٶلٸم باسشىسى گٷلميرا قىرعىزاليەۆا مەن شۋ اۋداندىق ورتالىق اۋرۋحاناسىنىڭ باس دەرٸگەرٸ ايدار مۇقاتاەۆ ماراپاتتالدى.
جامبىل وبلىسىنىڭ ەكٸمٸ بەردٸبەك ساپارباەۆ مەملەكەتتٸك ناگرادالاردى د.ارىمباەۆ پەن گ.قىرعىزاليەۆانىڭ وتباسىلارىنا ارنايى بارىپ تاپسىردى.
«كوروناۆيرۋس ەڭ بٸلٸكتٸ دەرٸگەرلەردٸڭ ٶلٸمٸنە سەبەپ بولۋدا. بۇل قازانىڭ ورنى تولمايدى. ولاردىڭ ەسٸمدەرٸ مەن ەرلٸكتەرٸ ەشقاشان ۇمىتىلمايدى. ولار تەرەڭ بٸلٸمدٸ, شىدامدىلىق پەن جانقييارلىقتى تالاپ ەتەتٸن ماماندىقتى تاڭدادى. سوڭعى دەمٸنە دەيٸن ولار ماماندىقتارىنا ادالدىق تانىتتى. مەملەكەت باسشىسى ازاماتتاردىڭ دەنساۋلىعىن قورعاۋداعى ولاردىڭ كٷش-جٸگەرلەرٸن ٷنەمٸ ەسكەرٸپ, العىس ايتىپ كەلەدٸ. مەملەكەتتٸك ماراپاتتار – شىنايى العىس پەن ريزاشىلىقتىڭ بەلگٸسٸ», - دەدٸ بەردٸبەك ساپارباەۆ.
ەرٸپتەستەرٸ مارقۇمداردىڭ ماماندىعىنا ادالدىعى مەن بٸلٸكتٸلٸگٸن العا تارتىپ, زور قۇرمەتپەن ەسكە الادى. ولاردىڭ بارلىعى دا ٶز جۇمىستارىندا جەتٸستٸككە جەتۋ ٷشٸن تاباندىلىق تانىتىپ, ايانباي تەر تٶكتٸ.
دەۋلەت ارىمباەۆ شامامەن 30 جىلداي عۇمىرىن وسى سالاعا ارناعان. 1965 جىلى جامبىل وبلىسىندا دٷنيەگە كەلگەن ول وسى جىلدار ٸشٸندە تالاس اۋداندىق اۋرۋحاناسىندا بٶلٸم مەڭگەرۋشٸسٸ, جامبىل وبلىستىق تۋبەركۋلەزگە قارسى ديسپانسەرٸندە تۋبەركۋلەزگە قارسى مامان, سوت-مەديتسينالىق ساراپشى بولىپ جۇمىس ٸستەگەن. 2010 جىلدان بەرٸ جامبىل وبلىستىق فتيزيوپۋلمونولوگييا ورتالىعى باس دەرٸگەرٸنٸڭ ورىنباسارى بولىپ قىزمەت اتقارعان.
ال, گٷلميرا قىرعىزاليەۆا ەڭبەك جولىن ۋچاسكەلٸك دەرٸگەرلٸكتەن باستاعان. «حيمپروم» دپو كلينيكاسىندا, تاراز قالاسىنىڭ № 2.8 ەمحانالارىندا تەراپەۆت بولىپ جۇمىس ٸستەدٸ. 2018 جىلدان باستاپ «Almaz Medical Group» جشس بٶلٸمٸن باسقارعان.
سول سيياقتى, ايدار مۇقاتاەۆتىڭ ەسٸمٸ شۋلىقتارعا جاقسى تانىس. 2003 جىلدان باستاپ اۋداندىق اۋرۋحانانىڭ باس دەرٸگەرٸ بولىپ ەڭبەك ەتكەن ول وعان دەيٸن تاراز قالالىق اۋرۋحاناسىندا حيرۋرگ, بٶلٸم مەڭگەرۋشٸسٸ بولىپ جۇمىس ٸستەگەن. «قازاقستان رەسپۋبليكاسىنىڭ دەنساۋلىق ساقتاۋ ٸسٸنٸڭ ٷزدٸگٸ» تٶسبەلگٸسٸمەن, «ەرەن ەڭبەگي ٷشٸن», «وبلىسقا سٸڭٸرگەن ەڭبەگٸ ٷشٸن», «10 جىل استانا», «تەۋەلسٸزدٸككە 20 جىل» مەدالدارىمەن ماراپاتتالعان.
شۋ اۋدانىنىڭ ەكٸمٸ نۇرجان كالەندەروۆ مارقۇم دەرٸگەردٸڭ وتباسىنا مەملەكەتتٸك ناگرادانى ارنايى بارىپ تابىس ەتتٸ.
