Qazaqstandyq biznesmen Marǵulan Seisembai elge oralady. Bul týraly ol óziniń feisbýk áleýmettik jelisindegi paraqshasynda málim etti.
"Dostar, men Qazaqstanǵa oralyp jatyrmyn! Men qazir Máskeýdemin. Meniń jáne otbasymnyń qaýipsizdigine eń joǵary dárejede kepil berildi! Ómir jalǵasady, biz birge áli talai-talai jaqsy jumystardy jasaimyz! Meniń jaǵdaiymdy túsinip, aqyldaryn aityp, kemeńgerlikterin kórsetken "joǵarydaǵy" kisilerge (attaryn atamai-aq qoiaiyn) raqmet aitqym keledi! Maǵan barlyq kómekterin aiamai qyzmet kórsetken barlyq adamdarǵa raqmet! Meniń barlyq dostaryma, jazylýshylaryma bei-jai qaramaǵandary úshin, qamqorlyqtary men izgi nietteri úshin kóp raqmet! Qazaqstan, men seni súiemin! Qazaqstanda kóriskenshe!", – dep jazdy ol.
Esterińizge sala keteiik, Marǵulan Seisembai "BTA bankten qarjy jymqyrǵan" degen kúdikpen tutqyndalǵan Eskendir Erimbetovtiń isine bailanysty jaýap alýǵa shaqyrǵannan keiin elden ketip qalǵan bolatyn. 10-qańtar kúni Facebook áleýmettik jelisindegi paraqshasynda jariialaǵan postynda ol "biraz ýaqyttan beri" shetelde turatynyn, eger "ózi jáne otbasynyń qaýipsizdigine kepildik" berilse, Qazaqstanǵa oralýǵa ázir ekenin málimdegen edi.
Osy málimdemeden úsh kún ótken soń Marǵulan Seisembaev AQSh-tyń Viskonsin shtatynda ekenin Facebook áleýmettik jelisindegi paraqshasynda habarlaǵan. Ózine qoldaý tanytqandarǵa alǵysyn bildirgen ol "mundai reaktsiia bolady dep kútpegenin" jazǵan. Seisembaev qazir amerikalyq biznes-seriktesterimen birqatar jobalar boiynsha kelissózder júrgizip jatqanyn aitqan edi.
