Memleket basshysynyń ókimimen Marǵulan Baqytuly Baimuhan Qazaqstan Respýblikasy Syrtqy ister ministriniń orynbasary laýazymynan bosatyldy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysynyń Jarlyǵymen Marǵulan Baimuhan Qazaqstan Respýblikasynyń Belgiia Koroldigindegi Tótenshe jáne Ókiletti Elshisi laýazymyna, Eýropa Odaǵynyń janyndaǵy jáne Soltústik Atlant Sharty uiymyndaǵy (NATO) Qazaqstan Respýblikasy Ókildiginiń Basshysy laýazymyna taǵaiyndaldy.
Marǵulan Baqytuly Baimuhan 1974 jylǵy 6 qyrkúiekte Almaty oblysynda týǵan
Polshadaǵy Krakov Ekonomikalyq Ýniversitetin támamdaǵan, syrtqy saýda mamandyǵy boiynsha magistri (1997), halyqaralyq marketing jáne menedjment mamandyǵy boiynsha magistri (1998), PhD ǵylymi dárejesine kandidat – ekonomika salasyndaǵy filosofiia doktory (2011), Ulybritaniianyń Hertfordshir Ýniversiteti MscIM – Halyqaralyq basqarý (menedjment) magistri (2016), Kanadanyń Vankýver Ýniversiteti MVA – Iskerlik ákimshilik magistri (2015). QR Prezidenti janyndaǵy memlekettik basqarý Akademiiasynyń (2005) jáne QR SIM Diplomatiialyq Akademiiasynyń (2006) kýrstaryn, Poliak halyqaralyq qatynastar Institýty Diplomatiialyq Akademiiasynyń bir jyldyq baǵdarlamasy (2010) bitirgen.
1996-1997 jj. - «Daewoo Electronics» kompaniiasyndaǵy marketing jáne kommertsiia máseleleri jónindegi menedjeri.
1997-1999 jj. - Polshada «River System Ltd.» kompaniiasynyń eksport bóliminiń mamany, keńesshisi, aimaqtyq direktory (Ońtústik Kavkaz jáne Ortalyq Aziia elderi).
1999-2001 jj. - Qazaqstan Respýblikasynyń Syrtqy ister ministrligi Halyqaralyq ekonomikalyq yntymaqtastyq departamentiniń attashesi, úshinshi hatshysy.
2001-2005 jj. - Qazaqstan Respýblikasynyń Polsha Respýblikasyndaǵy Elshiliginiń attashe-konsýly, úshinshi jáne ekinshi hatshysy.
2005-2007 jj. - Qazaqstan Respýblikasynyń Syrtqy ister ministrligi TMD isteri departamentiniń Halyqaralyq uiymdar bóliminiń, Áskeri-saiasi yntymaqtastyq bóliminiń keńesshisi, basshysy.
2007-2013 jj. - Qazaqstan Respýblikasynyń Polsha Respýblikasyndaǵy Elshiliginiń Keńesshisi, Keńesshi-ýákili.
2013-2015 jj. - Qazaqstan Respýblikasynyń Syrtqy ister ministrligi Syrtqy saiasi taldaý jáne boljaý komiteti tóraǵasynyń orynbasary.
2015-2019 jj. - Qazaqstan Respýblikasynyń Polsha Respýblikasyndaǵy Tótenshe jáne Ókiletti Elshisi.
2019 jylǵy jeltoqsannan bastap - Qazaqstan Syrtqy ister ministriniń orynbasary qyzmetin atqardy.
II synypty Tótenshe jáne Ókiletti Ýákil diplomatiialyq dárejesine ie.
