Marat Muhamedsaliev «Samuryq-Qazyna» Ulttyq ál-aýqat qory Qoǵammen bailanys jáne marketingtik kommýnikatsiialar departamentiniń direktory bolyp taǵaiyndaldy, dep habarlaidy "Ult aqparat" sknews.kz-ke silteme jasap.
Marat Muhamedsaliev 1996 jyldan bastap BAQ jáne PR salasynda jumys istegen.
Ol qazaqstandyq telekórermenderdiń kópshiligine «Habar», «Qazaqstan», «AstanaTV» telearnalarynda telejýrnalist jáne avtorlyq baǵdarlamalar júrgizýshisi retinde keńinen tanymal boldy.
2000 jyly «KazakhOil» UMK baspasóz qyzmeti basshysynyń orynbasary, 2003 jyly «QazMunaiTeńiz» AQ, 2004-2005 jyldarda «QazMunaiGaz» Barlaý jáne óndirý» AQ Qoǵammen bailanys departamentiniń direktory qyzmetterin atqardy.
2007 jyldan bastap kúni búginge deiin «KEGOC» AQ (2007-2013 jj.),«Samuryq-Energo» AQ (2013-2018 jj.) jáne «Halyqaralyq jasyl tehnologiialar jáne investitsiialyq jobalar ortalyǵy» KAQ (2018-2020 jj.) baspasóz hatshysy bolyp jumys istegen.
Al 2020 jylǵy qańtardan bastap «Ǵylym qory» AQ qoǵammen bailanys salasynda eńbek etti.
Ál- Farabi atyndaǵy Qazaq ulttyq ýniversitetiniń jýrnalistika fakýltetin támamdaǵan.
