Ádilet ministri Marat Beketaev sheteldik diplomatiialyq korpýsqa Qazaqstanda júrgizilip jatqan quqyqtyq reformalar týraly aitty, dep habarlaidy "Ult aqparat".
2021 jylǵy 14 mamyrda Ádilet ministri Marat Beketaev Qazaqstan Respýblikasynda tirkelgen elshilik korpýs ókilderimen brifing ótkizdi.
Marat Beketaev Qazaqstan Respýblikasynyń Prezidenti Qasym-Jomart Toqaevtyń bastamasymen elimizde Ádilet ministrligi júrgizip jatqan quqyqtyq reformalar týraly aitty.
Vedomstvo basshysy is-sharaǵa qatysýshylarǵa jańa Ákimshilik rásimdik-protsestik kodeksti tanystyrdy, normashyǵarmashylyq qyzmetti jetildirý, zańgerlik kásipti retteý týraly aityp, elshilik korpýs ókilderiniń suraqtaryna jaýap berdi.
Is-sharaǵa qatysýshylar kezdesý ótkizilgen KAZPATENT saraptama uiymynyń jumysymen tanysty.
Shet memleketterdiń elshileri Qazaqstandaǵy ádilet júiesi men patenttik qyzmettiń ózekti damýy týraly tolyq aqparat alýǵa múmkindik bergeni úshin rizashylyqtaryn bildirdi.
Kezdesý syndarly jáne iskerlik jaǵdaida ótti.
Atalǵan is-shara Memleket basshysynyń bastamasymen Qazaqstandaǵy elshilik korpýs ókilderi úshin olardy elimizdegi saiasi jáne áleýmettik-ekonomikalyq reformalardy iske asyrý barysymen tanystyrý maqsatynda memlekettik organdar josparlaǵan brifingter seriiasynyń alǵashqysy bolǵandyǵyn atap ótemiz.
