Memleket basshysynyń ókimimen Marat Almasuly Ázilhanov Qazaqstan halqy Assambleiasy Tóraǵasynyń orynbasary, Qazaqstan Respýblikasy Prezidenti Ákimshiliginiń Qazaqstan halqy Assambleiasy hatshylyǵynyń meńgerýshisi laýazymyna taǵaiyndaldy. Bul týraly Aqordanyń baspasóz qyzmeti habarlady.
Ázilhanov Marat Almasuly 1965 jyly dúniege kelgen.
1988 jyly Qaraǵandy memlekettik meditsina ýniversitetin, 2000 jyly Qazaqstan Respýblikasy Ulttyq qaýipsizdik komitetiniń akademiiasyn «Quqyqtaný» mamandyǵy boiynsha bitirgen.
Qazaq, orys jáne aǵylshyn tilderin meńgergen.
1988-1992 jyldar aralyǵynda Qyzylorda qalasynyń Meditsinalyq mekemelerinde dáriger-hirýrg bolyp eńbek etti;
1992-2011 jyldar aralyǵynda – Qazaqstan Respýblikasynyń Ulttyq qaýipsizdik organdarynda qyzmet jasady;
2011-2013 jyldar aralyǵynda – Qazaqstan Respýblikasy Din isteri agenttigi tóraǵasynyń orynbasary;
2013-2014 jyldar aralyǵynda – Qazaqstan Respýblikasy Din isteri agenttiginiń tóraǵasy;
2014-2016 jyldar aralyǵynda – Qazaqstan Respýblikasy Mádeniet jáne sport vitse-ministri;
2016-2018 jyldar aralyǵynda – Qazaqstan Respýblikasy Din isteri jáne azamattyq qoǵam ministrliginiń jaýapty hatshysy;
2018-2019 jyldar aralyǵynda – Qazaqstan Respýblikasy Qoǵamdyq damý ministrliginiń jaýapty hatshysy.
2019 jylǵy 6 naýryzda Qazaqstan Respýblikasy Aqparat jáne qoǵamdyq damý ministrliginiń vitse-ministri bolyp taǵaiyndaldy.
