Qazaqstan halqy Assambleiasy tóraǵasynyń orynbasary, QR Prezidenti Ákimshiliginiń QHA hatshylyǵynyń meńgerýshisi Marat Ázilhanov respýblikalyq keńeste etnomádeni birlestikteriniń qoǵamda atqaratyn jumystarynyń mańyzdylyǵyn atap ótti, dep habarlaidy QazAqparat.
Onyń aitýynsha, Qazaqstan halqy Assambleiasy men etnomádeni birlestikterdiń áleýmettik jumysyn júieli negizge keltirý kerek.
«Qazaqstan Respýblikasy Táýelsizdiginiń 30 jyldyǵyna arnalǵan Qazaqstan halqy Assambleiasynyń HHIH sessiiasy Qazaqstannyń Tuńǵysh Prezidenti - Elbasy Nursultan Nazarbaevtyń beibitshilik pen kelisim saiasatyn damytýǵa jańa serpin berdi», - deidi ol
Keńes barysynda QHA tóraǵasynyń orynbasary Qazaqstan halqy Assambleiasynyń tiimdiligin arttyrýǵa baǵyttalǵan jańa praktikalyq sharalardy atady.
«Tájiribelik deńgeide Assambleiaǵa eldiń jańa imidjin jáne ulttyń jańa biregeiligin qalyptastyrýǵa úles qosý; Assambleianyń tiimdiligin arttyrý boiynsha sharalar qabyldaý; QHA mekemeleri kez-kelgen qiyndyqqa qarsy turýǵa daiyn bolýy kerek; qoǵamdyq diplomatiiany damytý; dostyq elshileriniń korpýsyn keńeitý», - dedi ol.
Kezdesýge qatysýshylar etnomádeni birlestikterdiń Qazaqstan halqy Assambleiasynyń HHIH sessiiasynyń nusqaýlaryn júzege asyrýdaǵy róli men mindetterin, halyqtyń ózekti áleýmettik máselelerin sheshýdi, qaiyrymdylyq pen eriktilerdiń naqty jobalaryn, ekologiialyq aktsiialar ótkizý, órtten zardap shekken Ridder qalasynyń turǵyndaryna QHA tarapynan kórsetilgen kómek týraly aitty.
«Búginde etnomádeni birlestikterdiń qoldaýy aitarlyqtai baiqalmaidy. Osyǵan bailanysty biz etnomádeni birlestikterden bul aktsiiaǵa belsendi túrde qosylýdy suraimyz. Qazir Shyǵys Qazaqstan oblysynyń ákimdigimen kelise otyryp, belgili bir otbasyǵa nemese oiyn alańyna bir úi salý múmkindigin qarastyrý maqsatynda qarajat jinaý júrip jatyr. Bul mádeni birlestik júzege asyryp jatqan bir ǵana áreket. Jumys jalǵasady», - dedi Marat Ázilhanov.
Aita keteiik, 2020 jyly Assambleia 1,7 mlrd teńgege qaiyrymdylqy kómek kórseti.
