Astananyń qylmystyq ister jónindegi mamandandyrylǵan sotynda 2 tamyzda burynǵy jubaiy Dana Ateshovany balalarymen birge úiden shyǵarý áreketi kezinde urǵany úshin Marat Áitenov kináli dep tanyldy, dep habarlaidy Zakon.kz.
Sýdia Marat Áitenovty Qylmystyq kodekstiń 1-bóliginiń 109-1-babynda kózdelgen qylmystyq teris qylyq jasaǵany úshin kináli dep taýyp, oǵan 12 táýlik qamaýǵa alýdy taǵaiyndady.
Marat Áitenovtiń burynǵy jubaiyn balalarymen úiden qalai shyǵaryp salǵany týraly beine áleýmettik jelilerde jyldam tarap, qarapaiym kommentatorlardan bastap sheneýnikterge deiin belsendi talqylanǵan bolatyn. Keiin Áitenov jasaǵan áreketi úshin bes kúnge qamaýǵa alyndy.
Artynsha Astana politsiiasy bul oqiǵaǵa túsinikteme berdi. Vedomstvo Ateshovanyń burynǵy jubaiyna qatysty ákimshilik is qozǵalǵanyn, al dene kúshin qoldaný faktisi boiynsha sotqa deiingi tergeý bastalǵanyn atap ótti.
