Foto: gov.kz
Marat Ahmetjanov Ishki ister ministri laýazymyna qaita taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
"Marat Muratuly Ahmetjanov Qazaqstan Respýblikasynyń Ishki ister ministri laýazymyna taǵaiyndalsyn", - delingen Prezident Jarlyǵynda.
Ahmetjanov Marat Muratuly 1964 jyly 22 jeltoqsanda dúniege kelgen. 1991 jyly E.A.Býketov atyndaǵy Qaraǵandy memlekettik ýniversitetin bitirgen, zańger.
Eńbek jolyn 1991 jyly taǵylymger qyzmetinen bastap, keiin Temirtaý qalasy prokýratýrasynyń tergeýshisi bolyp qyzmet atqarǵan.
1993-1996 jj. – Bas prokýratýra janyndaǵy Sybailas jemqorlyqqa qarsy kúres jónindegi arnaiy prokýratýranyń asa mańyzdy ister jónindegi aǵa tergeýshisi, Bas prokýratýranyń Asa qaýipti qylmystardy tergeý basqarmasy aimaqtyq tergeýshiler bóliminiń bastyǵy.
1996-1997 jj. – Memlekettik tergeý komitetiniń Asa qaýipti qylmystardy tergeý basqarmasynyń bólim bastyǵy, Memlekettik tergeý komitetiniń Áskeri-tergeý departamenti tergeý basqarmasynyń bastyǵy.
1997-1998 jj. – Ishki ister ministrliginiń Áskeri-tergeý departamenti tergeý basqarmasynyń bastyǵy.
1998-2001 jj. – Tergeý departamenti direktorynyń orynbasary jáne Ádilet ministrliginiń Sot qaýlylaryn oryndaý komiteti tóraǵasynyń orynbasary.
2001-2003 jj. – Bas prokýratýranyń Tergeý jáne anyqtaý organdaryndaǵy zańdylyqty qadaǵalaý departamentiniń bastyǵy.
2003-2006 jj. – Pavlodar oblysynyń prokýrory.
2006-2009 jj.– Ońtústik Qazaqstan oblysynyń prokýrory.
2009-2012 jj.–QR Bas prokýratýrasy Quqyqtyq statistika jáne arnaiy esepke alý jónindegi komitetiniń tóraǵasy.
2012-2014 jj. – QR Ekonomikalyq qylmysqa jáne sybailas jemqorlyqqa qarsy kúres agenttigi tóraǵasynyń orynbasary.
2014-2016 jj. – Atyraý oblysy Memlekettik qyzmet isteri jáne sybailas jemqorlyqqa qarsy is-qimyl departamentiniń basshysy, Atyraý oblysy Sybailas jemqorlyqqa qarsy is-qimyl ulttyq biýro departamentiniń basshysy.
2016-2021 jj. – Qazaqstan Respýblikasy Bas Prokýrorynyń orynbasary.
2021 jyldyń 16 sáýirinen bastap Qazaqstan Respýblikasynyń Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) tóraǵasy boldy.
2022 jylǵy 25 aqpannan beri Ishki ister ministri laýazymyn atqaryp keledi.
«Qurmet» (2008) jáne II dárejeli«Dańq» (2014) ordenderimen, «Qazaqstan Respýblikasynyń Táýelsizdigine 10 jyl», «Qazaqstan Konstitýtsiiasyna 10 jyl», «Astananyń 10 jyldyǵy» mereitoilyq medaldarymen, «Resei flotyna 300 jyl» estelik medali jáne «Admiral Kýznetsov» medaldarymen marapattalǵan.
Otbasylyq jaǵdaiy: Úilengen, eki bala tárbielep otyr.
