San-Isidro qalasynyń bas prokýratýrasy Diego Maradonanyń ólimine qatysta jeti meditsina qyzmetkerine aiyp taǵyp otyr, dep habarlaidy EFE agenttigi.
Dárigerler «adamdy qasaqana óltirý» baby boiynsha 8 jyldan 25 jylǵa deiin bas bostandyǵynan aiyrylýy múmkin.
Prokýratýra esebinde Maradonanyń densaýlyǵyn baqylaýmen ainalysqan dárigerler brigadasynyń essizdik tanytyp, naýqastyń halin jaǵdai enshisine qaldyrǵany aitylǵan. San-Isidro qalasynyń bas prokýratýrasy sottan aiyp taǵylǵandarǵa Argentinadan ketýge tyiym salýdy surady.
Maradona ótken jyly 25 qarashada 61 jasynda dúnieden ótti. Aty ańyzǵa ainalǵan fýtbolshy júrek qyzmetiniń jedel jetispeýshiliginen ókpesi qabynyp, kóz jumdy.
Maradona – 1986 jylǵy álem chempiony, HH ǵasyrdyń úzdik fýtbolshylarynyń biri. Ol barlyǵy 687 match oinap, 369 gol soqqan.
