سان-يسيدرو قالاسىنىڭ باس پروكۋراتۋراسى ديەگو مارادونانىڭ ٶلٸمٸنە قاتىستا جەتٸ مەديتسينا قىزمەتكەرٸنە ايىپ تاعىپ وتىر, دەپ حابارلايدى EFE اگەنتتٸگٸ.
دەرٸگەرلەر «ادامدى قاساقانا ٶلتٸرۋ» بابى بويىنشا 8 جىلدان 25 جىلعا دەيٸن باس بوستاندىعىنان ايىرىلۋى مٷمكٸن.
پروكۋراتۋرا ەسەبٸندە مارادونانىڭ دەنساۋلىعىن باقىلاۋمەن اينالىسقان دەرٸگەرلەر بريگاداسىنىڭ ەسسٸزدٸك تانىتىپ, ناۋقاستىڭ حالٸن جاعداي ەنشٸسٸنە قالدىرعانى ايتىلعان. سان-يسيدرو قالاسىنىڭ باس پروكۋراتۋراسى سوتتان ايىپ تاعىلعاندارعا ارگەنتينادان كەتۋگە تىيىم سالۋدى سۇرادى.
مارادونا ٶتكەن جىلى 25 قاراشادا 61 جاسىندا دٷنيەدەن ٶتتٸ. اتى اڭىزعا اينالعان فۋتبولشى جٷرەك قىزمەتٸنٸڭ جەدەل جەتٸسپەۋشٸلٸگٸنەن ٶكپەسٸ قابىنىپ, كٶز جۇمدى.
مارادونا – 1986 جىلعى ەلەم چەمپيونى, حح عاسىردىڭ ٷزدٸك فۋتبولشىلارىنىڭ بٸرٸ. ول بارلىعى 687 ماتچ ويناپ, 369 گول سوققان.
