Almaty oblysynyń ákimi Amandyq Batalov óziniń jańa orynbasaryn tanystyrdy, - dep habarlaidy "Ult aqparat".
Bul qyzmetke oblys ákiminiń orynbasary qyzmetin atqarǵan Serik Turdaliev qaita taǵaiyndaldy.
Esterińizge sala keteiik, 2017 jyly Almaty oblysy ákiminiń orynbasary bolǵan Serik Turdaliev bul qyzmetten óz erkimen ketetinin áleýmettik jelide jariialaǵan bolatyn.
«Biyl Almaty oblysy ákiminiń orynbasary qyzmetine taǵaiyndalǵanyma 5 jyl toldy. Árine, bul - az ýaqyt emes. Osy jyldar ishinde tájiribe jinaqtadym. Kóptegen jumystar atqaryldy. Biraq ár nárseniń óz ýaqyty bar jáne jańa kózqaras qajet. Sondyqtan basshylyqtan meni óz erkimmen jumystan bosatýdy suradym», - dep jazǵan edi Serik Turdaliev Facebook paraqshasynda 2017 jyldyń maýsym aiynda.
Aita keteiik, Serik Turdaliev buǵan deiin osy qyzmetti atqarǵan Baǵdat Manzorovtyń ornyna keldi. Oblys ákiminiń orynbasary bolyp Serik Turdalievtiń taǵaiyndalǵanyn atalǵan vedomstvonyń baspasóz qyzmeti rastady.
Serik Melisuly Turdaliev 1969 jyly týǵan. Qazaq memlekettik agrarlyq ýniversitetin, Resei Federatsiiasy Úkimetiniń janyndaǵy halyq sharýashylyǵy akademiiasyn aýyl sharýashylyǵy óndirisiniń ekonomist-uiymdastyrýshysy jáne iskeri ákimshilik sheberi mamandyqtary boiynsha bitirgen.
Eńbek jolyn «Maqsat» syrtqy ekonomikalyq aktsionerlik qoǵamy Talǵar filialy bas direktorynyń orynbasary bolyp bastady.
Ár jyldarda kásipkerlik jáne saýda salasynda túrli jaýapty qyzmetter atqardy. Keiin Almaty qalasy Medeý aýdany ákimi apparatynyń bólshek saýda bólimshesiniń mamany, Qazaqstan Respýblikasy Premer-Ministri orynbasarynyń, birinshi orynbasarynyń kómekshisi, Qaraǵandy oblysynda «Qazaqmys korportsiiasy» AQ vitse-prezidentiniń, Almaty qalasynda «Qazaqmys korporatsiiasy» AQ Basqarma tóraǵasy orynbasarynyń, QR Premer-Ministri orynbasarynyń keńesshisi, Almaty qalasynda «Qazaqmys korporatsiiasy» AQ-nyń qarjy jáne investitsiia jónindegi direktory, «Qazaqstan Halyq banki» AQ atqarýshy direktory, Direktorlar keńesiniń hatshylyq jetekshisi, Qaraǵandy oblysynda «Qazaqmys korporatsiiasy» JShS Basqarma tóraǵasynyń orynbasary, prezidentiniń, Basqarma tóraǵasynyń keńesshisi, vitse-prezidenti, vitse-prezidenti-apparat basshysy, ákimshiliginiń basshysy, Almaty oblysy ákiminiń orynbasary qyzmetterin atqarǵan.
2017 jyldyń shilde aiynan – Almaty qalasyndaǵy «Qainar» JShS baqylaý keńesi tóraǵasynyń keńesshisi.
