Bas prokýratýra Baǵdat Manzorovqa qatysty qylmystyq istiń jabylýyna bailanysty QR Sybailas jemqoryqqa qarsy is-qimyl agenttiginiń narazylyq tanytýyna pikir bildirdi, dep habarlaidy "Ult aqparat".
«Tiisti rásimder bar. Eger de qylmys quramy bolmasa, onda sheshim qabyldanady. Tergeý protsesine eshkim de yqpal ete almaidy. Atap aitqanda, qylmys quramy nemese qylmystylyq oqiǵasy bolmasa, iske núkte qoiylady», - dedi QR Bas prokýrorynyń orynbasary Marat Ahmetjanov Parlament Májilisinde tilshiler saýalyna jaýap bere otyryp.
Osy oraida, ol Sybailas jemqorlyqqa qarsy qyzmettiń shaǵymy qanaǵattandyrylmaǵanyn rastady.
«Prokýratýra bul qylmystyq qýdalaýda toqtatty. Agenttiktiń shaǵymy qanaǵattandyrylmady», - M. Ahmetjanov.
Eske salsaq, Almaty oblysy ákiminiń orynbasary Baǵdat Manzorov ustalǵany týraly buǵan deiin habarlaǵan bolatynbyz. QR Sybailas jemqorlyqqa qarsy is-qimyl agenttigi oǵan QR Qylmystyq kodeksiniń 190-baby, 2-bóligi, 2-tarmaǵy («Laýazymyn paidalaný arqyly asa iri kólemdegi alaiaqtyq») boiynsha aiyp taqty.
Keiin Bas prokýratýra Baǵdat Manzorovqa qatysty qylmystyq is toqtatylǵanyn resmi túrde málimdedi. Kóp uzamai sheneýnik óz qyzmetine qaita kiristi.
Óz kezeginde agenttik Bas prokýratýranyń bul sheshimine narazylyq tanytty.
