باس پروكۋراتۋرا باعدات مانزوروۆقا قاتىستى قىلمىستىق ٸستٸڭ جابىلۋىنا بايلانىستى قر سىبايلاس جەمقورىققا قارسى ٸس-قيمىل اگەنتتٸگٸنٸڭ نارازىلىق تانىتۋىنا پٸكٸر بٸلدٸردٸ, دەپ حابارلايدى "ۇلت اقپارات".
«تيٸستٸ رەسٸمدەر بار. ەگەر دە قىلمىس قۇرامى بولماسا, وندا شەشٸم قابىلدانادى. تەرگەۋ پروتسەسٸنە ەشكٸم دە ىقپال ەتە المايدى. اتاپ ايتقاندا, قىلمىس قۇرامى نەمەسە قىلمىستىلىق وقيعاسى بولماسا, ٸسكە نٷكتە قويىلادى», - دەدٸ قر باس پروكۋرورىنىڭ ورىنباسارى مارات احمەتجانوۆ پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
وسى ورايدا, ول سىبايلاس جەمقورلىققا قارسى قىزمەتتٸڭ شاعىمى قاناعاتتاندىرىلماعانىن راستادى.
«پروكۋراتۋرا بۇل قىلمىستىق قۋدالاۋدا توقتاتتى. اگەنتتٸكتٸڭ شاعىمى قاناعاتتاندىرىلمادى», - م. احمەتجانوۆ.
ەسكە سالساق, الماتى وبلىسى ەكٸمٸنٸڭ ورىنباسارى باعدات مانزوروۆ ۇستالعانى تۋرالى بۇعان دەيٸن حابارلاعان بولاتىنبىز. قر سىبايلاس جەمقورلىققا قارسى ٸس-قيمىل اگەنتتٸگٸ وعان قر قىلمىستىق كودەكسٸنٸڭ 190-بابى, 2-بٶلٸگٸ, 2-تارماعى («لاۋازىمىن پايدالانۋ ارقىلى اسا ٸرٸ كٶلەمدەگٸ الاياقتىق») بويىنشا ايىپ تاقتى.
كەيٸن باس پروكۋراتۋرا باعدات مانزوروۆقا قاتىستى قىلمىستىق ٸس توقتاتىلعانىن رەسمي تٷردە مەلٸمدەدٸ. كٶپ ۇزاماي شەنەۋنٸك ٶز قىزمەتٸنە قايتا كٸرٸستٸ.
ٶز كەزەگٸندە اگەنتتٸك باس پروكۋراتۋرانىڭ بۇل شەشٸمٸنە نارازىلىق تانىتتى.
