Túrkistan oblysynda birneshe júk vagony aýdaryldy, dep habarlaidy Sputnik Qazaqstan.
Áleýmettik jelide oqiǵa ornynda túsirilgen video tarady. Avtordyń aitýynsha, vagondardyń biri beton baǵanany qulatqan. Sonyń saldarynan elektr jelilerine zaqym keldi.
"Qazaqstan temir joly" ulttyq kompaniiasy taratqan málimetke sáikes, 8 qańtarda keshki saǵat 19:50–de "Shymkent-Arys" temirjol ýchaskesiniń Mankent stantsiiasynda júk poiyzynyń vagondary relsten shyǵyp ketken. Zardap shekkender joq. Bul oqiǵa poiyzdar qozǵalysyna keri áserin tigizbedi.
"Keleńsizdiktiń saldaryn joiý úshin Shymkent, Arys stantsiialarynyń qalpyna keltirý poiyzdary jóneltildi", - deidi mamandar.
Qazirgi kezde "QTJ" UK" AQ-nyń arnaiy komissiiasy quryldy. Ol oqiǵanyń mán-jaiyn anyqtaidy.
