QR Memlekettik qyzmet isteri jáne sybailas jemqorlyqqa qarsy is-qimyl agenttigi Mańǵystaý oblysy boiynsha departamentiniń memlekettik qyzmet salasy belgilengen quzyrettilik sheginde retteýshilik, iske asyrý jáne baqylaý fýnktsiialaryn júzege asyrady. Bul rette óńirdegi memlekettik qyzmet kadrlarynyń jaǵdaiy sóz boldy.
Aimaqtaǵy memlekettik mekemelerdiń kadrlyq jai-kúiine monitoring júrgizilip, birqatar kemshilikter anyqtalǵan. Atap aitqanda Aqtaý qalasy ákimi apparaty, Mańǵystaý aýdany ákimi apparaty, Qaraqiia aýdany ákimi apparaty, Mańǵystaý oblysynyń qarjy basqarmasy jáne Mańǵystaý oblysynyń Ishki Ister departamenti. Kadr qyzmetteriniń jumysy jaýaptylyqty talap etkendigine qaramastan, kásibi tájiribe, bilimi men daiarlyǵynyń tepe-teńdiginiń bolmaýynan osyndai máseleler týyndap otyr.
Ásirese aýmaqtyq departamentter Memlekettik Organdardyń Internet Portalyna (MOIP) ýaqytyly eseptelikti júkteý mindettelgenine qaramastan, asyqpaityndary bar bolyp shyqty. Olardyń qatarynda indýstriialyq damý jáne ónerkásiptik qaýipsizdik komitetiniń Mańǵystaý oblysy boiynsha departamenti, Mańǵystaý oblysynyń Ishki ister departamenti, tabiǵi monopoliialardy retteý jáne básekelestikti qorǵaý komitetiniń Mańǵystaý oblysy boiynsha departamenti jáne oblystyq qoǵamdyq densaýlyqty saqtaý departamenti.
Departament basshysy Nurgúl Jannazarova barlyq eseptik aqparattardyń dáiektiligin, sapalylyǵyn jáne merziminiń saqtalýyn qadaǵalaý qajettigin eske saldy. Ásirese personaldy basqarý qyzmetteri mamandarynyń óz mindetterine salǵyrt qaramai, eseptiliktiń mańyzdylyǵyn túsinip, jaýapkershilikti sezinýge shaqyrdy.
Aǵymdaǵy jyldyń III toqsanynan bastap statistikalyq esepti «E-qyzmet» aqparattyq júiesinde joldaý tapsyrylǵan. Alaida ýaqytyly oryndalmaǵan jáne engizilmegen qujat ainalymdar, sonymen birge qate engizilgen qujattar osy eseptiliktiń kezinde anyqtalatyn. Budan basqa tekseris barysynda, memlekettik mekemelerdiń avtomattyq júiede qujat ainalymynyń kórsetkishiniń tómen bolyp shyqty.
2018 jyldyń 1 tamyzy boiynsha taza aýysymdylyq – 27(2%) bolsa, ótken jyldyń eseptik kezeńinde bul kórsetkish 59(4,4%) adamdy quraǵan. Ótken jylmen salystyrmaly túrde taza aýysymdylyqtyń sany 2,2 esege azaiǵandyǵyn baiqaýǵa bolady. Agenttiktiń strategiialyq josparyna engizilgen kórsetkishter boiynsha osy jylǵa taza aýysymdylyq deńgeii – 7,5% aspaýy qajet dep belgilengen.
Alaida, Aýdandar bólinisinde qyzmetten óz erkimen ketý derekteriniń kóptiginen alǵashqy oryndarda Aqtaý qalasy(4%), Jańaózen qalasy(4%).
Basqarmalar bólinisinde qyzmetten óz erkimen ketý derekteriniń kóptiginen alǵashqy úshtikti Jolaýshylar kóligi jáne avtomobil joldary basqarmasy (33,3%), Energetika jáne kommýnaldyq sharýashylyq basqarmasy(15%), Densaýlyq saqtaý basqarmasy (14,8%). Bul oblys kórsetkishine keri áserin tigizi yqtimal.
Bos oryndar sany - 90 (137), iaǵni shtattyq birliktiń 6,7% (10,1%) quraidy (respýblika boiynsha 7,1%); al, 2018 jyldyń 1 qańtaryndaǵy jaǵdaiy boiynsha bos oryndar sany 159 birlikti qurady. Búgingi tańda jalpy shtattyq birliktiń 93,3% (89,9%) qamtylǵan. Ótken jylǵa qaraǵanda bos oryndardyń tolyǵýy memlekettik qyzmetshilerdiń eńbekaqy tóleýdiń jańa júiesi men júrgizilip jatqan túsindirý jumystarynyń nátijesi dep ataýǵa bolady. Alaida, oblys boiynsha ótken jylmen salystyrǵanda 2018 jylda testileýge qatysyp (01.07.2017j. – 1339; 01.07.2018j. - 2760), memlekettik qyzmetke qyzyǵýshylyq bildirip jatyrǵan úmitkerlerdiń sanynyń 2,1 ese artqandyǵyna qaramastan, keibir memlekettik mekemelerdiń bos oryndary tolyqtyrylmai jatyrǵandyǵy alańdarlyqtai jaǵdai.
Aǵymdaǵy jyldyń 6 aiynyń kórsetkishi boiynsha jeke jáne zańdy tulǵalardyń ótinishterin qaraý nátijesinde 11 memlekettik qyzmetshi ártúrli dárejede tártiptik jaýapkershilikke tartylǵan. Al, 2017 jyldyń 12 aiynda bul kórsetkish 14 adamdy quraǵan bolatyn. Iaǵni, óńirimizde memlekettik qyzmetshilerdiń tarapynan jyldan jylǵa zańbuzýshylyqqa jol berý deregi artyp otyr.
Máselen oblystyq jumyspen qamtý jáne áleýmettik baǵdarlamalar basqarmasynyń bas mamany I.Pishalnikova, oblystyq jolaýshylar kóligi jáne avtomobil joldary basqarmasynyń mamany A.Omarova, Qaraqiia aýdany ákimi apparatynyń bólim basshysy S.Áshirova «eskertý» túrindegi tártiptik jaýapkershilikke tartylsa, Beineý aýdandyq memlekettik kirister basqarmasynyń bas mamany A.Oralbaevqa «qatań sógis» jariialanǵan. Sondai-aq, tártiptik jazaǵa tartylǵandardyń qatarynda Aqtaý qalasy ákimi apparaty 2 qyzmetshisi, indýstriialyq damý jáne ónerkásip qaýipsizdigi komitetiniń oblystyq departamentiniń 3 qyzmetshisi bar.
Negizsiz berilgen syiaqyny biýdjetke qaitarý týraly 2 usynys joldanyp, 174 745 teńge memleket biýdjetine óndirildi (Qaraqiia aýdany ákimi apparaty, oblystyq kirister departamenti). Zańsyz syiaqy berý deregi oblystyq ishki memlekettik aýdit departamentinde oryn alǵan, iaǵni basshynyń orynbasary J.Ótegenovamen bólim basshysy N.Qiiasqa olardyń tártiptik jazalaryn tiisti organnyń kelisiminsiz alyp tastaý arqyly berilgen. Qazirgi tańda zańsyz berilgen syiaqynyń kólemin anyqtap, ony biýdjetke keri qaitarý jumystary júrgizilip jatyr (tártiptik komissiialardyń jumysyna taldaý júrgizý kezinde anyqtalǵan derek). 2018j. 6 aiynda 6 qyzmetshi arnaiy qorǵa 10 zańsyz syilyq tapsyrǵan (ótken jyly 2 qyzmetshimen 3 syilyq tapsyrylǵan).
Mańǵystaý oblysyndaǵy memlekettik qyzmet kadrlary jai-kúiiniń monitoringi áli de júrgiziledi. Bul rette personaldy basqarý qyzmetteriniń jaýapty mamandaryna bilimin jetildirip, biliktiligin arttyrýǵa keńes berildi. Kadr máselesinde kemshilikterge jol bermes úshin, osyndai basqosýlarda pikir almasyp otyrý qajet ekendigi aityldy.
