«Quryq» keden beketiniń qyzmetkerleri Mańǵystaý kólik prokýratýrasymen birlesip, Eýraziialyq ekonomikalyq odaq shekarasy arqyly iri kólemde kontrabandalyq taýar alyp ótý faktisin anyqtady, dep habarlaidy "Ult aqparat".
Mańǵystaý oblystyq Memlekettik kirister departamenti baspasóz qyzmetiniń málimetinshe, kontrabandalyq júk tielgen eki aýyr júk kóligi Túrkiiadan «Quryq» teńiz portyna keldi. Taýarǵa ilespe qujattarǵa sáikes, taýardy túrik óndirýshileri Ózbekstan men Qyrǵyzstan azamattarynyń atyna jibergen.
«Selektivti baqylaý jáne táýekelderdi basqarý júiesiniń kómegimen, sondai-aq iri gabaritti júkter men kólik quraldarynyń ishindegisiniń beinesin alý jáne taldaý úshin iondalǵan sáýle shashatyn tehnikalyq quraldyń kómegimen alynǵan tekseris nátijesinen keiin, tasymaldanyp bara jatqan júkti kedendik qosymsha tekserý sheshimi qabyldandy. Onyń barysynda qujatta kórsetilgen taýardan bólek, halyq tutynatyn ózge de taýarlar bary belgili boldy», - delingen vedomstvonyń baspasóz qyzmeti taratqan aqparatta.
Aldyn ala málimet boiynsha, kontrabandalyq jolmen jetkizilmek bolǵan taýardyń sany júzden astam júk orynyn quraidy. Materialdar Mańǵystaý oblysy boiynsha Ekonomikalyq tergeý departamentine protsessýaldyq sheshim qabyldaý úshin joldandy.
