Mańǵystaýdaǵy eki oqýshynyń qalai koronavirýs juqtyrǵanyn oblystyń bilim basqarmasynyń basshysy túsindirdi, dep habarlaidy QazAqparat.
Keshe Mańǵystaý oblysynda 3 oqýshy men 1 muǵalim koronavirýs juqtyrǵanyn jazǵan bolatynbyz.
Búgin oblystyń qoǵamdyq kommýnikatsiia ortalyǵynda Mańǵystaý oblysynyń bilim basqarmasynyń basshysy Asqar Seidalievtiń qatysýymen brifing ótti. Onda mańǵystaýlyq oqýshylar men muǵalimniń qalai virýs juqtyrǵany týraly túsinik berildi.
Asqar Seidalievtiń aitýynsha, kezekshi synypta oqityn oqýshy qazannyń 8-inen beri mektepke kelmegen. Anyqtalǵandai, balanyń ájesi «Saryaǵash» shipajaiynan aýyryp kelgen. Keiin «COVID-19» PTR testin tapsyryp, ol oń nátije bergen. Bala ájesinen virýs juqtyrǵan. Qazir otbasynyń barlyq múshesinen synama test alynǵan. Sondai-aq, 14 qazan kúni 1 synyp oqýshysynan «COVID-19» virýsyna test alý nátijesinde onyń virýs juqtyrǵany anyqtaldy. Belgili bolǵandai, bala koronavirýstyń simptomsyz túrimen aýyrǵan.
«Balanyń kóńil-kúii jaqsy, eki oqýshy da qazir úi-ishimen birge oqshaýlandy. Atalǵan synyp oqýshylary men sabaq bergen úsh pán muǵalimi karantinge jiberildi. Synyp karantinge jabyldy. Sondai-aq, 14 qazan kúni Munaily aýdanyndaǵy mekteptiń aǵylshyn tili páni muǵaliminen «COVID-19» infektsiiasy tabyldy. Bul muǵalim Aqtaý qalasyndaǵy koronovirýs anyqtalǵan oqýshynyń anasy. 7 qazannan beri eńbekke jaramsyz paraqshasyn aldyrǵan. Osy jaǵdailardy eskere otyryp, shtattyq rejimde kezekshi synyptary bar bilim berý mekemelerine qatań sanitarlyq-epidemiologiialyq talaptardy saqtaý basqarmanyń qatań baqylaýynda»,- dedi Mańǵystaý oblystyq bilim basqarmasynyń basshysy Asqar Seidaliev.
Aita keteiik, Mańǵystaý oblysynda pandemiia bastalǵaly 43 oqýshy men 23 muǵalim qaýipti indet juqtyrǵan. Qazirgi kezde quzyrly organdar bilim berý uiymdaryna monitoring jumystaryn júrgizýde.
