ماڭعىستاۋداعى ەكٸ وقۋشىنىڭ قالاي كوروناۆيرۋس جۇقتىرعانىن وبلىستىڭ بٸلٸم باسقارماسىنىڭ باسشىسى تٷسٸندٸردٸ, دەپ حابارلايدى قازاقپارات.
كەشە ماڭعىستاۋ وبلىسىندا 3 وقۋشى مەن 1 مۇعالٸم كوروناۆيرۋس جۇقتىرعانىن جازعان بولاتىنبىز.
بٷگٸن وبلىستىڭ قوعامدىق كوممۋنيكاتسييا ورتالىعىندا ماڭعىستاۋ وبلىسىنىڭ بٸلٸم باسقارماسىنىڭ باسشىسى اسقار سەيداليەۆتٸڭ قاتىسۋىمەن بريفينگ ٶتتٸ. وندا ماڭعىستاۋلىق وقۋشىلار مەن مۇعالٸمنٸڭ قالاي ۆيرۋس جۇقتىرعانى تۋرالى تٷسٸنٸك بەرٸلدٸ.
اسقار سەيداليەۆتٸڭ ايتۋىنشا, كەزەكشٸ سىنىپتا وقيتىن وقۋشى قازاننىڭ 8-ٸنەن بەرٸ مەكتەپكە كەلمەگەن. انىقتالعانداي, بالانىڭ ەجەسٸ «سارىاعاش» شيپاجايىنان اۋىرىپ كەلگەن. كەيٸن «COVID-19» پتر تەستٸن تاپسىرىپ, ول وڭ نەتيجە بەرگەن. بالا ەجەسٸنەن ۆيرۋس جۇقتىرعان. قازٸر وتباسىنىڭ بارلىق مٷشەسٸنەن سىناما تەست الىنعان. سونداي-اق, 14 قازان كٷنٸ 1 سىنىپ وقۋشىسىنان «COVID-19» ۆيرۋسىنا تەست الۋ نەتيجەسٸندە ونىڭ ۆيرۋس جۇقتىرعانى انىقتالدى. بەلگٸلٸ بولعانداي, بالا كوروناۆيرۋستىڭ سيمپتومسىز تٷرٸمەن اۋىرعان.
«بالانىڭ كٶڭٸل-كٷيٸ جاقسى, ەكٸ وقۋشى دا قازٸر ٷي-ٸشٸمەن بٸرگە وقشاۋلاندى. اتالعان سىنىپ وقۋشىلارى مەن ساباق بەرگەن ٷش پەن مۇعالٸمٸ كارانتينگە جٸبەرٸلدٸ. سىنىپ كارانتينگە جابىلدى. سونداي-اق, 14 قازان كٷنٸ مۇنايلى اۋدانىنداعى مەكتەپتٸڭ اعىلشىن تٸلٸ پەنٸ مۇعالٸمٸنەن «COVID-19» ينفەكتسيياسى تابىلدى. بۇل مۇعالٸم اقتاۋ قالاسىنداعى كورونوۆيرۋس انىقتالعان وقۋشىنىڭ اناسى. 7 قازاننان بەرٸ ەڭبەككە جارامسىز پاراقشاسىن الدىرعان. وسى جاعدايلاردى ەسكەرە وتىرىپ, شتاتتىق رەجيمدە كەزەكشٸ سىنىپتارى بار بٸلٸم بەرۋ مەكەمەلەرٸنە قاتاڭ سانيتارلىق-ەپيدەميولوگييالىق تالاپتاردى ساقتاۋ باسقارمانىڭ قاتاڭ باقىلاۋىندا»,- دەدٸ ماڭعىستاۋ وبلىستىق بٸلٸم باسقارماسىنىڭ باسشىسى اسقار سەيداليەۆ.
ايتا كەتەيٸك, ماڭعىستاۋ وبلىسىندا پاندەمييا باستالعالى 43 وقۋشى مەن 23 مۇعالٸم قاۋٸپتٸ ٸندەت جۇقتىرعان. قازٸرگٸ كەزدە قۇزىرلى ورگاندار بٸلٸم بەرۋ ۇيىمدارىنا مونيتورينگ جۇمىستارىن جٷرگٸزۋدە.
