Búgin tańda reseilik 9 dáriger mingen ushaq Aqtaý áýejaiyna qondy. Barlyǵy da bilikti meditsina qyzmetkerleri, dep habarlaidy "Ult aqparat".
Búginde Mańǵystaýda meditsina qyzmetkerleriniń jumys kólemi eki esege artqan. Dárigerler naýqastardyń ómiri úshin kún-tún demei aianbai kúresýde. Alaida, syrqattanýshylardyń kóbeiýine bailanysty óńirde mamandarynyń jetispeýshiligi baiqaldy. Reanimatolog, infektsionist, terapev jáne jalpy tájiribe dárigerleri tapshy. Oblys ákimi Serikbai Trumovtyń tikelei aralasýymen atalǵan mamandardy oblysqa aldyrý boiynsha jumystar bastalyp ketti. Búgin tańda reseilik 9 dáriger mingen ushaq Aqtaý áýejaiyna qondy. Olardyń barlyǵy bilikti meditsina qyzmetkerleri.
Mańǵystaý oblystyq qoǵamdyq kommýnikatsiia ortalyǵynyń habarlaýynsha, olar:
1. Karina Dvornitsyna, infektsionist dáriger, koronavirýs indetimen kúresýshi toptyń basshysy bolǵan, tájiribesi bar.
2. Artýr Oganisian, densaýly saqtaý salasyn uiymdastyrýshy dáriger, koronavirýs indetimen kúresýshi toptyń basshysy bolǵan, tájiribesi bar.
3. Igor Shengireev, nevrolog, antikoagýlianttar jáne t.b. dári-dármek mólsherin anyqtaýmen ainalysýshy maman.
4. Daria Zaharova, pediatr, kardiolog, koronavirýs indetimen kúresýde tájiribesi bar.
5. Azat Iamaltdinov, pýlmonolog, rentgenolog, ftiziatr dáriger.
6. Valentina Kochergina, reanimatolog, koronavirýs indetimen kúresýde tájiribesi bar.
7. Inna Fedorenko, terapevt, kardiolog, koronavirýs indetimen kúresýde tájiribesi bar dáriger.
8. Lev Zaharov, kovid juqtyrǵan naýqastardy bosandyryp alýda tájiribesi bar akýsher.
9. Olga Sýkovatitsina, feldsher, kovid juqtyrǵan naýqastardy emdeýde tájiribesi bar dáriger.
Máskeýden kelgen meditsina qyzmetkerleri aýrýhanalarǵa bólinip, jumystaryna kirisip ketti.
Aita keteiik, atalǵan dárigerler oblys ákimdigi usynǵan charterlik reispen ushyp keldi. Bul iske «MańǵystaýMunaiGaz» kompaniiasy demeýshilik jasady.
