Jergilikti Lada.kz portalynyń jazýynsha, Mańǵystaýdaǵy Bozjyra shatqalyna baryp, tabiǵi qubylystyń kýágeri bolǵan amerikalyq týristermen qatar jergilikti turǵyndar da tańǵalǵan. Olardyń báriniń shashy tikireiip ketken, dep habarlaidy Sputnik agenttigi.
Mamandar bul qubylys aýanyń elektrlenýiniń áserinen bolǵanyn aitady. Birneshe jyl boiy Mańǵystaý óńirine ekspeditsiia uiymdastyrýshy Sergei Hachatrian mundaidy birinshi ret kórgen eken.
"Bul joly Bozjyra shatqalyna amerikalyq týristerdi ákelgen edim. Eń biik núktege kóterilgen kezde túsiniksiz jaǵdaiǵa tap boldyq. Qolymyzdy kótergen kezde bir nárseniń satyr-sutyr etken dybysy estildi. Toqtyń dybysyna uqsaidy. Budan soń bárimizdiń tóbe shashymyz tik turdy dep aitýǵa bolady", - dedi Sergei Hachatrian.
Fizikter mundai qubylys tańǵalarlyq jaǵdai emes dep otyr.
"Jerdiń óziniń zariady bolady. Bul joly kún bultty, aýa ylǵaldy bolǵan. Sondyqtan aýa men jer qýaty túiisti", - dedi geolog-geofizik Gennadii Tarasenko.
