QR Premer-Ministri Asqar Maminniń tapsyrmasyna sáikes, Mańǵystaý oblysynyń ákimdigi koronavirýsqa qarsy kúresti kúsheitý úshin meditsina mamandaryn aldyrtyp jatyr, dep habarlaidy Óńirlik qoǵamdyq kommýnikatsiia ortalyǵy.
Naýqastardy emdeýge 12 áskeri dáriger jumyldyrylady. Onyń 10-y búgin Shyǵys Qazaqstan oblysynan keldi. Bul mamandardyń altaýy Semeiden jáne tórteýi Óskemen qalasynan. Al, ekeýi Aqtaýdaǵy 25744 áskeri bóliminiń dárigeri.
Sonymen qatar, búgin óńirge Aqtóbe qalasyndaǵy meditsina ýniversitetin bitirgen 10 jas maman keldi. 18 shilde kúni taǵy 6 dáriger jumystaryn bastaidy. Buǵan deiin sol ýniversitetti támamdaǵan 5 maman Aqtaýǵa barǵan edi. Taǵy 5 dáriger qazirgi ýaqytta Aqtóbede jumys istep jatyr, tamyz aiynda olar Aqtaýǵa keledi.
Jalpy, Mańǵystaýǵa 26 jas mamannyń kelýi kútilýde. Onyń 15-i internatýrany, 7-i rezidentýra bitirgen dárigerler. 4 aqtóbelik maman Mańǵystaýda turaqty túrde eńbek etýge nietti.
