Foto: Baýyrjan Niiazov
Mańǵystaýdaǵy Otpan taýda «Birlik otyn» jaǵý rásimi ótti.
«Adai ata — Otpan taýda» merekelik is-sharalar bastalyp, «Amal — alashqa ortaq mereke» sharasyna elimizdiń ózge óńirlerinen bólek Ózbekstan, Túrkiiadan meimandar kelip qatysyp jatyr.
«Adai ata — Otpan taý» rýhani-tarihi mádeni kesheni aýmaǵynda elýge jýyq kiiz úi tigilip, saltanatty túrde merekelik sharalar jalǵasyn tapty. Sondai-aq, ulttyq sporttyq oiyndar uiymdastyrylyp, «Aqsarai» mýzei keshenimen tanysý, «Qarashańyraq» alańynda QR Halyq ártisi Roza Rymbaevanyń kontsertimen jalǵasyn tapty.
Foto: Baýyrjan Niiazov
Birlik otyn jaǵý rásimi ótip, erteń alaý Qosai ata urpaqtaryna tabystalady.
«Otpan taýda dástúrli mereke jalǵasyn taýyp keledi. Bul sharada úsh júzdiń basy qosylady. Biyl buǵan Muńal ata urpaqtary jaýapty bolǵan edi. Kúndiz sport oiyndarynan bastalǵan jarystardyń sońy merekege ulasyp otyr. Birlik oty jaǵylǵan soń 14 naýryzda Amal merekesi bastaý alady. Kópshiliktiń qatysýymen ótetin mereke eldiń birligin nyǵaitýǵa baǵyttalǵan», — dedi uiymdastyrý jumystaryna jaýapty Jarmaǵambet Aitýarov.
