Mańǵystaýdaǵy Munaily aýdanynda ornalasqan meiramhanada 300 adamǵa arnalǵan toi toqtatyldy, dep habarlaidy "Ult aqparat".
Toi uiymdastyrýshylary monitoring tobynyń múshelerine «kelisýdi» usynǵan. Munaily aýdany ákimdiginiń habarlaýynsha, óńirdegi meiramhanalardyń 85% osy aýdanda ornalasqan. Búginde saltanatty merekeler ótkizýge arnalǵan 46 meiramhana bar. Máselen keshe monitoringtik top músheleri «Baiterek» meiramhanasynda toi toilap jatqan qonaqtardy úilerine qaitardy. 300 adamǵa arnalǵan úilený toiy eken.
«Monitoring tobynyń jumysy barysynda ózin quzyretti organdardyń qyzmetkeri retinde tanystyrǵan belgili bir azamat jaǵdaidy sheship, top múshelerimen «keliskisi» keldi. Muny isteý múmkin bolmady. Meiramhana iesine ákimshilik quqyq buzýshylyq týraly hattama toltyryldy. Material Munaily aýdanynyń sanitarlyq-epidemiologiialyq qadaǵalaý basqarmasyna jiberildi», - dedi baspasóz qyzmeti.
