24 qyrkúiekte óńir basshysy Nurlan Noǵaevtyń qatysýymen oblystyq máslihattyń kezekten tys jetinshi sessiiasy ótti, dep habarlaidy Mańǵystaý oblysy ákiminiń baspasóz qyzmeti.
Sessiia barysynda depýtattar qysqy mal azyǵy qoryn qalyptastyrýǵa qosymsha qarajat bólýdi maquldady. Atap aitqanda, qosymsha 3,2 mlrd teńge bólinedi. Bul qarajatqa 26200 tonna jem men 4000 tonna shóp satyp alý josparlanýda.
Sonymen qatar depýtattar áleýmettik mańyzy bar azyq-túlik taýarlarynyń qoryn tolyqtyrýǵa, tutynýǵa berilgen aýyz sý qunyn sýbsidiialaýǵa, Aqtaý qalaishilik marshrýtynyń 6 baǵyty boiynsha avtoparktyń jańartylýyn sýbsidiialaýǵa jáne t.b. birqatar áleýmettik mańyzdaǵy máselelerdi qarjylandyrýǵa kelisim berdi.
Jiynǵa qatysqan Nurlan Noǵaev oblystyń áleýmettik-ekonomikalyq damýy barlyq memlekettik organdardyń úilesimdi jumys isteý nátijesinde iske asatynyn aitty.
